II Kôrintô 13:5 - Sră Goh 2018

⁵ Să tòm oh mi sơwì is tĕ, mơ lòng sền oh mi ơm tòm bơta dòn hala ò. Oh mi ò git lah gơs Yàng Jesu Krist ơm tòm oh mi sơl ơ? Mìng dilah ngan, oh mi kong alah tòm tŭ tìp bơta gơlòng.

II Kôrintô 13:5 ပူးပေါင်းရင်းမြစ်များ

Đơs Crih 119:59

Tòm tŭ añ kơlôi sơnơng bơh ală gùng dà Yàng dê, Gen añ cơnđòa lòt jat jơnau sồr kràñ cê Kơnràñ dê.

Đơs Crih 17:3

Dilah Yàng lòng sơwì nùs añ, còp añ tòm trồ mang, Dilah Yàng lòng añ, gen jòi ò bàn bơta iơh bơsak lơi ò; Bơr añ ò tìs glài.

Đơs Crih 26:2

Ơ Yàng Jehôwa, dong tò mơ lòng añ, Lòng nùs nhơm mơ nùs kơlôi añ jê.

Jeremi 6:30

Bol khai kòl sơnđan la ‘priă neh sang tơlik,’ Bơh Yàng Jehôwa neh sang tơlik bol khai.”

Ñìm Rac 3:40

Bol he sền sơwì mơ lòng tĕ gùng dà he, mơ rê wơl tĕ mơ Yàng Jehôwa.

Ejekiel 18:28

Tài bơh khai kơlôi sơwì jơh ală bơta tồi glài mơ khai neh lơh mơ pơrlac ngài bơh di ală bơta hơ̆, di ngan la khai rơp kis mơ ò chơt.

Sră Age 1:5

Gen tàng tŭ do, Yàng Jehôwa Gơnap Gơnoar Dờng Làm Jơh đơs be do: ‘Ơn tĕ nùs kơlôi sơwì bơh ală gùng dà bol mê dê.

Sră Age 1:7

Yàng Jehôwa Gơnap Gơnoar Dờng Làm Jơh đơs be do: ‘Ơn tĕ nùs kơlôi sơwì ală gùng dà bol mê dê.

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Jang 15:4

Ơm tĕ sùm tòm Añ gen Añ rơp ơm sùm tòm bol mê. Be ntê, dilah ò gơđềt mơ tòm ño, gen ò rgơi gơlik plai is gơ dê ò, dilah bol mê ò ơm sùm tòm Añ gen kung behơ̆ sơl.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Jang 6:56

Cau lơi sa poac Añ mơ hùc mhàm Añ, gen ơm tòm Añ mơ Añ ơm tòm cau hơ̆.

Jang 6:6

Kơnràñ đơs behơ̆ nàng lòng khai, bơh Kơnràñ neh git bơta Kơnràñ rơp lơh.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Rôma 8:10

Behơ̆ dilah Bơtau Krist ơm tòm oh mi, gen să jan chơt tài bơh tồi glài, ai hwềng nùs kis bơh bơta song ring.

I Kôrintô 11:28

Behơ̆ kòp nă pal sơwì is să he, gen sồng rgơi sa piang lă mơ hùc mơngàn hơ̆.

I Kôrintô 11:31

Dilah bol he sền sơwì is să he lài, gen bol he ò kòl cahrña.

I Kôrintô 3:16

Oh mi ò git he la hìu duh khoai Yàng Tom Trồ dê, mơ Hwềng Yàng Tom Trồ ơm tòm oh mi ò ơ?

I Kôrintô 6:15

Oh mi ò git lah să jan oh mi dê la pơnah tòm să jan Bơtau Krist dê ò ơ? Behơ̆ añ rgơi ai pơnah tòm să jan Bơtau Krist dê mơ lơh gơlik gơs pơnah tòm să jan cau dri sơl ơ? Ò di behơ̆!

I Kôrintô 6:19

Oh mi ò git lah să jan oh mi la hìu duh khoai Yàng Hwềng Goh dê ơm tòm oh mi, mơ oh mi neh dòp bơh Yàng Tom Trồ ò ơ? Mơ oh mi ò di gơrê bal mơ să tòm oh mi dê ò, mơya gơrê bal mơ Yàng Tom Trồ,

I Kôrintô 6:2

Oh mi ò git lah ală cau sàng goh rơp cahrña dunnia ò ơ? Mơ dilah dunnia kong oh mi cahrña, gen oh mi ò tơl bơta jak chài nàng cahrña ală broă dềt rhền rlau jơh ơ?

I Kôrintô 9:24

Oh mi ò git lah ală cau ntoat pơrlòng tòm tiah pơrlòng, gen jơh tơl nă ntoat bal, mơya mìng gơs dô nă dòp geh phan ƀàn ơ? Behơ̆, oh mi pal ntoat mbe lơi sồng geh phan ƀàn.

I Kôrintô 9:27

Mơya añ bơklơn să jan añ jê mơ sồr gơ pal kong; rngòt tơnơ̆ mơ tŭ añ neh bơto yal ală cau ndai in, gen să tòm añ rơp ò di pal mòn.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 4:19

Ơ ală kòn dềt añ jê, bơh ală kòn tàng añ kong tai bơta jê sồt kung be cau jê deh, jơl tus di tŭ Bơtau Krist gơs rùp să tòm ală kòn;

Galati 6:4

Kòp nă cau pal lòng sơwì is broă lơh he dê, gen bơta jòng să he la tài bơh he dê lơm, ò di tài bơh cau ndai.

Ephesô 3:17

tồ Bơtau Krist in bơh bơta dòn mơ ơm tòm nùs ală oh mi, nàng tơnơ̆ mơ tŭ oh mi ơm kơ̆ be chi sro ryas mơ bơtào kơ̆ tòm bơta kòñ gơboh.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:19

ò sơmbat kơ̆ di Bồ. Kơnòm di Bồ hơ̆ jơh să jan geh ròng siam mơ gơtòmklĕ bal bơh ală tiah tơrbŏ mơ ală ară, mơ geh dờng jat bơta lơh nền Yàng Tom Trồ dê.

Kôlôse 2:7

Ơm kơ̆ tĕ be chi sro ryas mơ bơt bơtào tĕ tòm Kơnràñ, kơ̆ nền tòm bơta dòn, jat be oh mi neh geh bơto, kung tơngkah tơngkañ tĕ tòm bơta ưnngài.

I Timôthe 2:15

Bulah behơ̆, cau ùr rơp geh dong tă tòm bơta deh kòn, dilah kư̆ ơm tòm bơta dòn, bơta kòñ gơboh, mơ bơta gơlik gơs sàng goh, bal mơ bơta pơndêt să.

II Timôthe 3:8

Bơh yau òr Jannes mơ Jamber tòmdră mơ Môise be lơi, gen ală cau do kung tòmdră mơ jơnau song behơ̆ sơl; nùs kơlôi bol khai dê ƀơ̆ iơh, bơta dòn bol khai dê ò kwơ.

Sră Pơyoa Pol Dê Pơyoa Tit In 1:13

Jơnau lơh cơng hơ̆ la song ngan. Behơ̆ pal lah pơrhơng kơnjơ̆ bol khai tồ bol khai in gơs bơta dòn pràn kơldang,

Sră Pơyoa Pol Dê Pơyoa Tit In 1:16

Bol khai đơs lah bol khai git Yàng Tom Trồ, mơya ală broă lơh bol khai dê la pơndang sang Kơnràñ; cau cù kìr di bol khai, bol khai la cau ò dòn bơr mơ ò rgơi lơh dô nơm broă niam lơi.

Sră Pơyoa Pol Dê Pơyoa Tit In 2:2

Tơngkah tĕ ală cau kra pal git kơrhia, kràñ cê, jak chài, ơm kơ̆ tòm bơta dòn, bơta kòñ gơboh mơ bơta ơt ơl.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Hebrơ 4:1

Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.

Hebrơ 6:8

Mơya dilah ù hòn lò mơ lò mrơt, gen kong sang lòi mơ kong srat sơntơm, lồi dut gen kong ồs sa.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

I Pier 5:9

Ơm kơ̆ tĕ tòm bơta dòn mơ tòmdră tĕ mơ gơ, bơh git lah ală oh mi he ơm tòm làm gùt dunnia kung kong bal bơta bòl glar jê sồt behơ̆ sơl.

Yal Tơlik 2:5

Behơ̆ kah tĕ bơh tiah lơi mê neh gơhuc, gơjrañ sang glài tĕ, mơ lơh wơl ală broă mê neh lơh bơh sơnròp. Dilah ò behơ̆, Añ rơp tus hơ mê, mơ Añ rơp tă tơlik jơng ồs đèng mê dê bơh di tiah gơ.