II Kôrintô 13:4 - Sră Goh 2018

⁴ Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

II Kôrintô 13:4 ပူးပေါင်းရင်းမြစ်များ

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Broă 2:36

Behơ̆, jơh hìu Israel git tĕ nền lah Jesu do, la Bơtau ală oh mi neh pơng di chi pơng, gen Yàng Tom Trồ neh bơtào lơh gơs Yàng mơ Bơtau Krist.”

Broă 3:16

Bơh bơta dòn tòm sơnđan Kơnràñ neh lơh cau do in pràn kơldang la cau ală oh mi gŏ mơ git; bơh sơnđan Kơnràñ mơ bơta dòn di Yàng Jesu neh lơh cau do in geh bơta pràn kơldang wil tơl be jơh ală oh mi neh gŏ.

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

Rôma 14:9

Bơtau Krist neh chơt mơ neh kis wơl, nàng lơh gơs Yàng cau chơt mơ cau kis in sơl.

Rôma 6:4

Behơ̆, bol he neh kong tơp bal mơ Kơnràñ bơh bơta ƀaptem tòm bơta chơt Kơnràñ dê, tồ Bơtau Krist in kơnòm di bơta gơklŏ Yàng Bèp dê mơ geh kis wơl bơh bơta chơt be lơi, gen bol he kung lơh lòt tòm rài kis pa behơ̆ sơl.

I Kôrintô 1:25

Bơh bơta sền be tùl gơla Yàng Tom Trồ dê la jak chài rlau mơ kòn mơnus dê, mơ bơta lơi sền be lơbơn lơño Yàng Tom Trồ dê la pràn kơldang rlau mơ kòn mơnus.

I Kôrintô 15:43

neh sih la òsơp òso, geh kis wơl la gơklŏ; neh sih la lơbơn lơño, geh kis wơl la pràn kơldang;

I Kôrintô 2:3

Mơ añ neh tus hơ oh mi tòm bơta lơbơn lơño, mơ tòm bơta rngòt rngơt mơ rơm să ngan.

I Kôrintô 6:14

Mơ Yàng Tom Trồ neh lơh Yàng in kis wơl, kung rơp ai gơnap gơnoar Kơnràñ dê mơ lơh bol he in kis wơl sơl.

II Kôrintô 10:10

Bơh gơs cau ƀà đơs lah: “Ală sră pơyoa khai dê đơs kơnjơ̆ mơ pràn kơldang, mơya tus di tŭ tòm mat gen khai lơbơn lơño, mơ jơnau đơs ò gơs kwơ màng.”

II Kôrintô 12:10

Gen tàng tài bơh Bơtau Krist añ niam nùs kong bơta lơbơn lơño, òsơp òso, siơ̆u siar, kup kơryan, bòl glar; bơh tòm tŭ añ lơbơn lơño, hơ̆ la tŭ añ pràn kơldang.

II Kôrintô 13:9

Bulah bol hi lơbơn lơño mơ oh mi geh pràn kơldang, gen bol hi kung hòn chò; ai bơta bol hi hòi dan do hơ̆ la tồ oh mi in geh wil tơl.

Philip 3:10

nàng añ in rgơi geh git Bơtau Krist mơ gơnap gơnoar bơta kis wơl Kơnràñ dê, mơ geh pơnah tòm bơta jê sồt Kơnràñ dê, lơh añ in gơlik gơs be Kơnràñ tòm bơta chơt Kơnràñ dê,

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.