II Kôrintô 12:9 - Sră Goh 2018

⁹ Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

II Kôrintô 12:9 ပူးပေါင်းရင်းမြစ်များ

II Ală Bơtau 2:15

Tòm tŭ ală cau gơnoar hwơr ơm tòm Jerikô, gŏ Elise bơh ngài gen đơs lah: “Hwềng Eli dê ơm hơđang Elise.” Bol khai tus rò Elise, tơmbic să di đap khai.

Đơs Crih 8:2

Yàng kơnòm di bơr ală cau kơnòm mơ ală kòn gam pô nàng jòng ro Kơnràñ, Mơ Yàng bơtào gơs gơnoar pràn Kơnràñ dê tài bơh ală cau sò tơm di Kơnràñ, Nàng lơh bol khai mơ cau sal tê in ơm mŏ mŏ.

Esai 11:2

Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 2:3

Mơ añ neh tus hơ oh mi tòm bơta lơbơn lơño, mơ tòm bơta rngòt rngơt mơ rơm să ngan.

I Kôrintô 2:5

nàng bơta dòn oh mi dê ò bơtào hơđang bơta jak chài kòn mơnus dê, mơya bơtào hơđang gơnap gơnoar Yàng Tom Trồ dê.

II Kôrintô 11:30

Dilah pal jòng să, gen añ rơp jòng să bơh ală bơta lơbơn lơño añ jê.

II Kôrintô 12:1

Añ pal jòng să bulah ò gơs kwơ, mơya tŭ do añ rơp đơs bơh ală bơta gơtơnggŏ mơ bơta yal tơlik Yàng dê.

II Kôrintô 12:10

Gen tàng tài bơh Bơtau Krist añ niam nùs kong bơta lơbơn lơño, òsơp òso, siơ̆u siar, kup kơryan, bòl glar; bơh tòm tŭ añ lơbơn lơño, hơ̆ la tŭ añ pràn kơldang.

II Kôrintô 12:15

Añ kung chò ngan bơh hwềng soàn oh mi mơ roh jền glar să. Dilah añ kòñ gơboh di oh mi sơlo bơtơl, gen oh mi ò hoan kòñ gơboh di añ ơ?

II Kôrintô 12:5

Bơh cau hơ̆ añ rơp jòng să, mơya bơh să tòm añ, añ ò jòng să, mìng jòng să bơh bơta lơbơn lơño añ jê lơm.

Ephesô 3:16

Añ dan Kơnràñ jat be bơta gơklŏ crih crài Kơnràñ dê, kơnòm di Yàng Hwềng Kơnràñ dê bơh gơnap gơnoar mơ ai gòi oh mi in gơs pràn kơldang tòm cau đah dơlam,

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

I Timôthe 1:14

Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

Hebrơ 11:34

tơnchơt ồs hơng, klàs di đào sồt, lơbơn lơño mơ gơlik pràn kơldang, tòm tŭ tòmlơh gơs nùs khin cha, ting bơtrơh mpồl ling làng bol bơdìh.

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”