II Kôrintô 12:7 - Sră Goh 2018

⁷ Mơ rngòt añ yò tơngguh is să añ oă bơh bơta yal tơlik dờng màng rlau jơh, gen neh ai dô nơm mŭ yar tòm poac añ, hơ̆ la dô nă cau kong sồr cà Satan dê neh pù lơh añ, tồ añ in ò yò tơngguh is să añ oă ir.

II Kôrintô 12:7 ပူးပေါင်းရင်းမြစ်များ

Khà Làng Bol 33:55

Mơya dilah bol mê ò ting bơtrơh ală cau neh ơm tòm lơgar, ală cau mơ bol mê lòi ơm wơl tòm lơgar rơp gơlik gơs kung be lò tòm gar mat bol mê dê mơ kung be srồng srơp di wĕ bol mê dê. Bol khai rơp lơh bol mê in bòl glar kalke tòm lơgar mơ bol mê rơp mut ơm.

Ală Kwang Cahrña 2:3

Behơ̆ tàng Añ đơs lah Añ rơp ò ting bơtrơh bol khai bơh di đap bol mê; mơya bol khai rơp gơlik gơs cau sò tơm bol mê dê, ală yàng bol khai dê rơp be dô nơm dă bol mê in.”

Galati 4:13

Oh mi git lah tòm tŭ poac să añ kòp jê mơ añ neh bơto yal Jơnau Niam oh mi in dơ̆ sơnròp,

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

I Kôrintô 5:5

oh mi jào tĕ cau hơ̆ cà Satan in nàng tơnroh poac să, tồ hwềng soàn khai geh dong klàs tòm ngai Yàng Jesu dê.

Sơnròp Gơlik Gơs 32:31

Tòm Tŭ khai lòt gan Peniel, khai gŏ mattơngai lik rau, mơ khai lòt bơrkhèt jơng.

Sră Jop 2:7

Behơ̆ Satan lik lòt bơh di đap Yàng Jehôwa, mơ lơh Jop in jê sồt toh sa mồr gơlik bơh kơndòl jơng tus di cồng bồ khai dê.

I Timôthe 3:6

Cau pa dòn jat ò di lơh gơs cau gơnoar bơto, rngòt khai jòng is să he mơ dùh tòm bơta lơh glài jàm lòi cà ràk in mòn.

II Yal Yau 26:16

Mơya tơnơ̆ mơ tŭ Ujia gơlik pràn, bơta pơnhừ să khai dê lơh khai in roh gơprah. Bơh khai ò dòn song mơ Jehôwa Yàng Tom Trồ bol khai dê, mơ mut tòm hìu duh khoai Yàng Jehôwa dê nàng chu kơlhô hơđang cơnòng duh khoai chu kơlhô.

Yal Wơl 8:14

gen nùs bol mê dê gơlik pơnhừ să mơ bol mê rơp lòi hŭi Jehôwa Yàng Tom Trồ bol mê dê la Bơtau neh cèng bol mê lik bơh di Ejiptơ, bơh di lơgar ơm dĭ.

Sơnròp Gơlik Gơs 32:25

Tòm tŭ cau hơ̆ gŏ khai ò pha, gen khai tur di ntìng tơrbŏ but Jakôp dê, ntìng tơrbŏ but gơ bơrkhèt tòm tŭ khai tòmpơt.

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

I Kôrintô 4:11

Bol hi kong jơgloh mơ tơhìr, ơm sut sèt, kong pù lơh, mơ lòt ngai do tềng do, ngai hìng tềng hơ̆.

Ejekiel 28:24

Hìu Israel dê rơp ò jòi bàn lò jơrmơng hala lò mrơt lơi tai digùl ală làng bol ơm rềp bol khai dê, la ală làng bol òs lơh di bol khai dô bă òsơp òso. Gen bol khai rơp git lah Añ la Jehôwa Yàng Tom Trồ.’”

II Yal Yau 32:31

Kung behơ̆ bơh bơta gơs mpồl cau kong sồr bơh ală cau at bồ Babilôn dê, tus nàng lùp khai bơh tềl krơi neh gơlik gơs tòm lơgar, Yàng Tom Trồ sang lòi khai nàng lòng khai mơ nàng git jơh ală bơta tòm nùs khai dê.

Yal Wơl 17:20

mơ ò di sền să tòm khai la niam rlau mơ ală oh mi khai dê, wèt ma kiau mơ sang bơta boh lam. Behơ̆ khai mơ kòn sau khai dê rơp at bồ jŏ jòng hơđang lơgar khai dê tòm Israel.”

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

Luka 13:16

Tơ ài lah cau ùr do la kòn sau Abraham dê, mơ cà Satan neh kơt cap tòm jơt phàm nam do, ò di la ò hồ toh khai bơh di che cap hơ̆ tòm ngai Saƀat ò ơ?”

Mathiơ 26:67

Gen bol khai choh di mat Kơnràñ mơ pòng lơh di Kơnràñ; cau ƀà pah Kơnràñ,

Sră Jop 2:6

Yàng Jehôwa đơs mơ Satan lah: “Niam ngan, khai ơm tòm gơnoar mê dê, mơya mìng prap gàr bơta kis khai dê.”

Sră Ôse 2:6

Tài behơ̆ tàng Añ rơp ai tòm lò cang gùng khai dê; mơ Añ rơp bơt dô nơm dơrñang tòmdră mơ khai, gen tàng khai ò rgơi jòi ală gùng khai dê.

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

II Kôrintô 10:10

Bơh gơs cau ƀà đơs lah: “Ală sră pơyoa khai dê đơs kơnjơ̆ mơ pràn kơldang, mơya tus di tŭ tòm mat gen khai lơbơn lơño, mơ jơnau đơs ò gơs kwơ màng.”

II Kôrintô 12:1

Añ pal jòng să bulah ò gơs kwơ, mơya tŭ do añ rơp đơs bơh ală bơta gơtơnggŏ mơ bơta yal tơlik Yàng dê.