II Kôrintô 12:1 - Sră Goh 2018

¹ Añ pal jòng să bulah ò gơs kwơ, mơya tŭ do añ rơp đơs bơh ală bơta gơtơnggŏ mơ bơta yal tơlik Yàng dê.

II Kôrintô 12:1 ပူးပေါင်းရင်းမြစ်များ

Ejekiel 11:24

Hwềng yò tơngguh añ tòm bơta gơtơnggŏ mơ Hwềng Yàng Tom Trồ cèng añ tus hơ Kalde, tus hơ ală cau kong kup cèng. Gen bơta gơtơnggŏ mơ añ neh gŏ lik bơh di añ.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Jang 16:7

Bulah behơ̆, Añ đơs song ngan mơ bol mê: Añ lòt la kwơ ngan bol mê in bơh dilah Añ ò lòt gen Bơtau Pơndòm pơniang ò tus hơ bol mê: Mơya dilah Añ lòt, gen Añ rơp sồr Kơnràñ tus hơ bol mê.

Jang 18:14

Mơ tai, Kaiphe la cau neh bơyai bal mơ làng bol Juda lah: “Chan gơs dô nă cau kong chơt bơh làng bol la niam rlau.”

Broă 18:9

Tòm trồ mang Yàng đơs mơ Pol tòm bơta gơtơnggŏ lah: “Bañ rngòt mơya đơs tĕ, bañ ơm mŏ mŏ;

Broă 23:11

Tòm mang hơ̆ Yàng tơlik să mơ Pol mơ đơs lah: “Kơ̆ tĕ nùs, mê neh lơh cơng bơh Añ tòm Jerusalem be lơi, gen mê kung pal lơh cơng bơh Añ tòm Rôma behơ̆ sơl.”

I Kôrintô 10:23

Oh mi đơs lah: “Bol he geh gơnoar lơh jơh ală bơta.” Ngan behơ̆, mơya ò di jơh ală bơta gơs kwơ oh mi in. “Bol he geh gơnoar lơh jơh ală bơta,” mơya ò di jơh ală bơta bơt bơtào oh mi.

I Kôrintô 14:6

Ơ oh mi, dilah añ tus hơ oh mi mơ đơs jơnau đơs ndai, mơ ò ngui bơta yal tơlik jơnau ndơp, hala bơta git jak, hala jơnau đơs hwơr, hala bơta bơto sồr mơ đơs, gen ñchi kwơ ală oh mi in taih?

I Kôrintô 6:12

Gơs cau đơs lah: “Añ geh gơnoar lơh jơh ală bơta,” mơya ò di jơh ală bơta gơs kwơ mê in; añ rgơi đơs lah añ geh gơnoar lơh jơh ală bơta, mơya añ ò bài lơh dĭ dô bơta lơi in.

II Kôrintô 12:11

Añ neh gơlik tùl gơla bơh oh mi rồn bơklơn añ; pal ngan la oh mi jòng ro añ sồng di, bơh bulah añ ò kwơ dô êt lơi, kung ò di gơhuc mơ ală cau gơnoar bơto dờng màng ryŭ ne dô êt lơi ò.

II Kôrintô 12:5

Bơh cau hơ̆ añ rơp jòng să, mơya bơh să tòm añ, añ ò jòng să, mìng jòng să bơh bơta lơbơn lơño añ jê lơm.

II Kôrintô 12:7

Mơ rngòt añ yò tơngguh is să añ oă bơh bơta yal tơlik dờng màng rlau jơh, gen neh ai dô nơm mŭ yar tòm poac añ, hơ̆ la dô nă cau kong sồr cà Satan dê neh pù lơh añ, tồ añ in ò yò tơngguh is să añ oă ir.

II Kôrintô 12:9

Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

II Kôrintô 8:10

Tòm broă do añ yal nùs kơlôi añ jê, broă hơ̆ gơs kwơ oh mi in, la cau ò di mìng pa sơntòm lơh, mơ kung neh gơs nùs kòñ lơh bơh nam lài rau.

Galati 1:12

bơh añ ò dòp mơ kung ò bơtê Jơnau Niam hơ̆ bơh dô nă cau lơi, mơya neh dòp geh bơh jơnau yal tơlik Yàng Jesu Krist dê.

Galati 2:2

Añ neh lòt jat jơnau yal tơlik Yàng Tom Trồ dê mơ guh tềng hơ̆. Tòm bơta tìp is mơ ală cau gơnoar bơto dờng añ ràng tơlik bol khai in Jơnau Niam mơ añ neh bơto yal làng bol bơdìh in. Añ ò kòñ broă lơh añ jê lài òr mơ tŭ do gơlik gơs ò kwơ.

Ephesô 3:3

mbe lơi Yàng neh yal tơlik añ in git bơta ndơp “be añ neh cih dô êt jơnau lài òr.

I Tesalônika 4:15

Do la bơta bol hi kơnòm di jơnau Yàng mơ yal oh mi in lah bol he la cau kis, gam ơm wơl jơl tus di tŭ Yàng tus wơl, gen ò gơs tŭ lơi lòt lài mơ ală cau neh bic ò.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.