II Kôrintô 11:7 - Sră Goh 2018

⁷ Añ neh bơto yal Jơnau Niam Yàng Tom Trồ oh mi in ò dan bơta lơi, tơnliah is să he tồ oh mi in geh yò tơngguh, gen añ gơs glài sơl ơ?

II Kôrintô 11:7 ပူးပေါင်းရင်းမြစ်များ

Broă 20:33

Añ ò hàm hà priă, màh hala ồi ào cau lơi dê ò.

Broă 20:34

Să tòm oh mi git lah bàr nơm mpàng tê do neh lơh gơlik gơs phan ngui sa añ in mơ oh mi lơh broă bal mơ añ in sơl.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

I Kôrintô 9:12

Dilah cau ndai geh gơnoar hơ̆ hơđang oh mi, tơ ài lah bol hi taih? Bulah behơ̆ bol hi ò òs ngui gơnoar hơ̆, mơ pơrlơ̆ wơl, bol hi kong ơt tòm jơh ală bơta nàng klàs bơta kơryan Jơnau Niam Bơtau Krist dê.

I Kôrintô 9:6

Hala mìng dô nă añ mơ Banaba pal lơh broă nàng kis sơl ơ?

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

II Kôrintô 10:16

tian gơs bol hi bơto yal Jơnau Niam tòm ală tiah ngài rlau, nàng ò jòng să bơh broă cau ndai neh lơh gơs tòm gơnoar broă khai dê.

II Kôrintô 12:13

Dilah ò kòp bơta să tòm añ ò lơh pơnjê di oh mi, gen gơs bơta lơi mơ oh mi gơhuc mơ ală Hìu Jum Goh ndai sơl? Dan toh glài añ in bơta ò ring behơ̆!

II Kôrintô 2:12

Tòm tŭ añ neh tus hơ Trôas nàng bơto yal Jơnau Niam bơh Bơtau Krist, dô nơm mpồng neh pò añ in tòm Yàng,

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

II Tesalônika 3:8

Kung ò tŭ lơi sa gòi phan cau lơi dê, mơya ngai mơ mang lơh broă bòl glar nàng ò lơh pơnjê di cau lơi tòm oh mi.