II Kôrintô 11:4 - Sră Goh 2018

⁴ Bơh oh mi neh chò nùs kong dòp, dilah gơs cau lơi lòt tus bơto yal oh mi in dô nă Jesu ndai krơi is mơ Yàng Jesu bol hi neh bơto yal, mơ oh mi neh dòp dô nơm hwềng mơ jơnau niam ndai krơi is mơ Yàng Hwềng mơ Jơnau Niam oh mi neh dòp bơh bol hi.

II Kôrintô 11:4 ပူးပေါင်းရင်းမြစ်များ

Jơnau Niam Jat Mak 7:9

Yàng Jesu đơs tai lah: “Ală bol mê chài rgơi ngan sang lòi bơta sồr lam Yàng Tom Trồ dê, nàng prap gàr jơnau òs yau bol mê dê.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

I Kôrintô 3:11

Bơh ò gơs cau lơi rgơi bơt dô nơm mơnàng ndai rlau mơ mơnàng neh bơt, hơ̆ la Yàng Jesu Krist.

II Kôrintô 11:1

Añ kơp kòñ oh mi kong bal mơ añ dô êt bơta tùl gơla! Ngan oh mi pal kong bal mơ añ.

II Kôrintô 2:12

Tòm tŭ añ neh tus hơ Trôas nàng bơto yal Jơnau Niam bơh Bơtau Krist, dô nơm mpồng neh pò añ in tòm Yàng,

Galati 3:2

Añ lùp oh mi mìng dô sèng do lơm: Hơ̆ la kơnòm bơh ală broă bơta boh lam dê hala bơh kơno mơ dòn tàng oh mi neh dòp geh Yàng Hwềng taih?

I Timôthe 1:3

Be lài òr tòm tŭ añ rơp lòt hơ Masedoan, gen añ neh bơto tơngkah mê pal ơm tòm Ephesô nàng bơto kràñ cê ală cau ne, sồr bol khai bañ bơto bơta bơto sồr lơi ndai,

I Timôthe 2:5

Bơh gơs mìng dô nă Yàng Tom Trồ lơm, mơ gơs mìng dô Bơtau Đơng Kừh ơm digùl Yàng Tom Trồ mơ jơi kòn mơnus, hơ̆ la Yàng Jesu Krist la mơnus.