II Kôrintô 11:3 - Sră Goh 2018

³ Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

II Kôrintô 11:3 ပူးပေါင်းရင်းမြစ်များ

Sơnròp Gơlik Gơs 3:1

Tòm ală phan poan jơng tòm ƀlàng mơ Jehôwa Yàng Tom Trồ neh lơh gơs, bơs la jak pơrlồm rlau jơh. Bơs đơs mơ cau ùr lah: “Ngan la Yàng Tom Trồ neh sồr ùr klau ai bañ sa plai ală chi tòm suơn sơl?”

Sơnròp Gơlik Gơs 3:13

Jehôwa Yàng Tom Trồ lùp cau ùr lah: “Ñchi ai neh lơh behơ̆ taih?” Cau ùr ho lah: “Bơs neh ơniai añ mơ añ neh sa rau.”

Sơnròp Gơlik Gơs 3:20

Adam sơnđan bau ùr khai la Eba bơh khai la mè jơh ală kòn mơnus dê.

Sơnròp Gơlik Gơs 3:4

Chòp, bơs đơs mơ cau ùr lah: “Ùr klau ai ò gơs tŭ lơi chơt ò,

Đơs Crih 119:53

Añ gơjrañ ngan tài bơh cau iơh bơsak sang lòi bơta boh lam Yàng dê.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Rôma 12:8

cau lơi bơto tơngkah, gen jơh nùs tĕ bơto tơngkah; cau lơi pà gòi, gen ai tĕ nùs dờng ơnàng nàng pà gòi; cau lơi at bồ gen jơh nùs tĕ nàng lơh broă; cau lơi lơh broă kòñ nđàc, gen ai tĕ nùs chò hòp nàng lơh.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

II Kôrintô 11:29

Gơs cau lơbơn lơño mơ añ ò lơbơn lơño ơ? Gơs cau lơi gơtup tìs mơ añ ò dơrcul ơ?

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

Galati 1:6

Añ ai lơh krơi bơh oh mi neh sơrbac sơrbang sang Bơtau neh hòi sac oh mi bơh bơta nđàc Bơtau Krist dê, nàng jat jơnau niam ndai.

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

Galati 3:1

Ơ cau Galati tùl gơla ne, ñcau neh juh bơklah oh mi taih? Hơ̆ la cau mơ di đap mat neh geh ràng tơlik loh làng Yàng Jesu Krist kong pơng di chi pơng taih?

Galati 4:11

Añ rngòt añ neh kong bòl glar lơh broă gen gơlik gơs ò kwơ digùl oh mi mòn.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Kôlôse 2:4

Añ đơs behơ̆ tồ klàs cau lơi ai jơnau lac lèo mơ pơrlồm oh mi.

Kôlôse 2:8

Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.

I Tesalônika 3:5

Kung tài bơh hơ̆ añ ò jai gơn tai, gen tàng añ neh sồr Timôthe lòt, tồ git bơta dòn oh mi dê gơlik mbe lơi, rngòt cà ràk neh ơniai oh mi, mơ bơta kong bòl glar lơh broă bol hi dê gơlik gơs ò kwơ.

I Timôthe 1:3

Be lài òr tòm tŭ añ rơp lòt hơ Masedoan, gen añ neh bơto tơngkah mê pal ơm tòm Ephesô nàng bơto kràñ cê ală cau ne, sồr bol khai bañ bơto bơta bơto sồr lơi ndai,

I Timôthe 2:14

Mơ tai, ò di Adam kòl pơrlồm, mơya cau ùr kòl pơrlồm mơ tìs glài.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

Sră Pơyoa Pol Dê Pơyoa Tit In 1:10

Bơh gơs oă cau ò dòn duh, lài ngan la mpồl cau kòñ prap gàr bơta siat gơltau, bol khai jak đơs gơlềng gơlàng mơ la cau blac pơrlồm;

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

II Pier 3:17

Behơ̆, ơ ală cau kòñ gơboh, bơh oh mi neh git lài ală bơta hơ̆, gen pal kơrhia tĕ, rngòt oh mi kòl hwài tơlik bal mơ bơta tìs nrah ală cau iơh bơsak hơ̆ dê, mơ lơh roh bơta kơ̆ cê is oh mi dê.

II Pier 3:3

Sơnròp ngan, pal git lah tòm ală ngai lồi dut rơp tus ală cau jak dơñŏ tơnhial ai jơnau dơñŏ tơnhial, jat nùs hàm kòñ is bol khai dê,

I Jang 2:18

Ơ ală kòn, do la tŭ lồi dut rau, ală bol mê neh kơno đơs lah cau sòdră di Bơtau Krist pal tus, mơ tòm tŭ do gơs oă cau sòdră di Bơtau Krist neh tus rau; bơh hơ̆ bol he git lah do la tŭ lồi dut.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

Yal Tơlik 12:15

Bơs broac dà bơh di bơr gơ dê gơlik gơs be dô nơm hiòng jat bơh tơnơ̆ cau ùr, nàng cèng pơrdô khai tòm hiòng dà hơ̆.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 20:2

Khai kup nagrài, hơ̆ la bơs yau, la Cà ràk, la cà Satan, mơ kơt gơtòm dô rbô nam.