II Kôrintô 11:2 - Sră Goh 2018

² Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

II Kôrintô 11:2 ပူးပေါင်းရင်းမြစ်များ

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Ejekiel 44:22

Bol khai ò di bau mơ cau ùr bơnrau hala cau ùr neh bau sang lòi; bol khai mìng bau mơ cau ơruh kòn sau Israel dê lơm hala mơ cau ùr bơnrau cau gơnoar ơn phan duh khoai dê.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Rôma 7:4

Kung behơ̆ sơl, ơ oh mi añ jê, kơnòm di să jan Bơtau Krist dê mơ oh mi neh chơt gơwèt hơ bơta boh lam, nàng geh kơt bal mơ cau ndai, hơ̆ la cau neh kis wơl bơh bơta chơt, tồ bol he gơlik plai Yàng Tom Trồ in.

I Kôrintô 4:15

Bulah oh mi gơs jơt rbô nă cau bơto tòm Bơtau Krist, mơya oh mi ò gơs oă bèp; bơh tòm Yàng Krist Jesu añ neh tơnggơs oh mi bơh Jơnau Niam.

II Kôrintô 4:14

bơh git lah Bơtau neh lơh Yàng Jesu in kis wơl kung rơp lơh bol hi in kis wơl bal mơ Yàng Jesu, mơ cèng tơlik bol hi bal mơ oh mi di đap Kơnràñ.

Galati 4:11

Añ rngòt añ neh kong bòl glar lơh broă gen gơlik gơs ò kwơ digùl oh mi mòn.

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

I Tesalônika 2:11

Oh mi kung git mbe lơh bol hi gơwèt mơ kòp nă cau tòm oh mi be bèp mơ kòn.

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.