II Kôrintô 11:18 - Sră Goh 2018

¹⁸ Bơh gơs oă cau jòng să jat poac să, gen añ kung rơp jòng să behơ̆ sơl.

II Kôrintô 11:18 ပူးပေါင်းရင်းမြစ်များ

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

II Kôrintô 1:17

Tòm tŭ añ lơh nền behơ̆ gen añ mhar tòmgơl nùs ơ? Hala bơta añ lơh nền hơ̆ la añ jat poac să mơ lơh nền, tian gơs tòm añ gơs bơta ƀà di ƀà ò sơl ơ?

II Kôrintô 11:12

Bơta añ lơh gen añ kư̆ lơh tai, nàng tă sang kai gơrmơ̆i bơh di cau jòi kai jòng să lah, bol khai ndròm mơ bol hi.

II Kôrintô 12:1

Añ pal jòng să bulah ò gơs kwơ, mơya tŭ do añ rơp đơs bơh ală bơta gơtơnggŏ mơ bơta yal tơlik Yàng dê.

II Kôrintô 12:11

Añ neh gơlik tùl gơla bơh oh mi rồn bơklơn añ; pal ngan la oh mi jòng ro añ sồng di, bơh bulah añ ò kwơ dô êt lơi, kung ò di gơhuc mơ ală cau gơnoar bơto dờng màng ryŭ ne dô êt lơi ò.

II Kôrintô 12:9

Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

I Pier 1:24

Bơh, “Jơh ală jơi poac să kung be ñhơt. Mơ bơta gơklŏ gơ dê be bơkào ñhơt. Ñhơt ro, bơkào jrùh;