II Kôrintô 11:10 - Sră Goh 2018

¹⁰ Añ ai bơta song ngan Bơtau Krist dê ơm tòm añ mơ ho nền lah, tòm kơnhwàl Acai ò gơs cau lơi geh lềt bơr añ jòng să bơh bơta do.

II Kôrintô 11:10 ပူးပေါင်းရင်းမြစ်များ

Broă 18:12

Tòm tŭ Gallio lơh gơs kwang đơng lơgar Acai dê, cau Juda dô nùs bal ntào tòmdră mơ Pol, kup khai cèng lòt tus hơ tiah cahrña,

Broă 18:27

Tòm tŭ Apôlôs lơh nền lòt hơ lơgar Acai, gen ală cau dòn tòm Ephesô dong kòl khai cih sră pơyoa ală cau dòn in tòm Acai sồr wă rò khai. Tòm tŭ neh tus rau, gen khai dong kòl oă ngan ală cau neh kơnòm di bơta nđàc mơ gơlik gơs cau dòn.

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Rôma 16:5

Kung dan còp să Hìu Jum Goh pơjum tòm hìu bol khai. Dan còp să Epainet, la cau kòñ gơboh añ jê; khai la cau sơnròp dòn Bơtau Krist tòm kơnhwàl Asia.

Rôma 9:1

Añ đơs song tòm Bơtau Krist, añ ò đơs blac, nùs tồr añ lơh cơng añ in bơh Yàng Hwềng Goh lah:

I Kôrintô 16:15

Ơ oh mi, gơs dô jơnau tơngkah tai, oh mi git lah hìu nhă Stephanas la plai bồ sơnam lơgar Acai, mơ bol khai lơh nền duh broă ală cau sàng goh in.

II Kôrintô 1:1

Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

II Kôrintô 1:23

Añ hòi dan mơ Yàng Tom Trồ lơh cơng hwềng soàn añ in lah: hơ̆ la tài bơh añ ò bài lơh pơnjê di oh mi tàng añ òhềt lòt tus hơ Kôrintô;

II Kôrintô 10:15

Bol hi ò jòng să rlau mơ sơnoa rnoas, hơ̆ la jòng să bơh bơta kong bòl glar lơh broă cau ndai dê; mơya kơp kòñ lah bơta dòn oh mi dê bơtơl tơngguh gen gơnoar broă bol hi dê kung rơp geh pò ơnàng rlau digùl oh mi, jat be gơnoar bol hi dê,

II Kôrintô 11:12

Bơta añ lơh gen añ kư̆ lơh tai, nàng tă sang kai gơrmơ̆i bơh di cau jòi kai jòng să lah, bol khai ndròm mơ bol hi.

II Kôrintô 11:31

Yàng Tom Trồ la Bèp Yàng Jesu dê, la Bơtau pal jòng ro sùm sùm, git lah añ ò đơs blac.

II Kôrintô 12:19

Neh jŏ rau oh mi tồnlah bol hi tò să gơwèt mơ oh mi. Hơ̆ la tòm Bơtau Krist, di đap Yàng Tom Trồ mơ bol hi đơs. Ơ ală oh mi kòñ gơboh, jơh ală bơta hơ̆ la bơh bơta bơt bơtào oh mi in.

II Kôrintô 9:2

Bơh añ git nùs rcang sir oh mi dê, mơ añ kung jòng să bơh oh mi mơ cau Masedoan lah cau Acai rcang lài bơh dô nam rau, mơ bơta ngac ngar oh mi dê neh chồl nùs oă cau ndai.

Galati 1:20

Bơta añ cih oh mi in do la ngan, di đap Yàng Tom Trồ añ ò đơs blac.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

I Tesalônika 2:10

Oh mi la cau lơh cơng, Yàng Tom Trồ kung lơh cơng sơl, mbe lơi bol hi lơh lòt dô bă sàng goh, song ring, ò gơs tiah geh lah pơrhơng gơwèt mơ oh mi la cau dòn jat.

I Tesalônika 2:5

Bơh oh mi neh git, bol hi ò tŭ lơi ai ală jơnau rơmhòc, kung ò di ai kai tồ jơm ndơp bơta hàm hà; gơs Yàng Tom Trồ lơh cơng bol hi in.

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.