II Kôrintô 10:7 - Sră Goh 2018

⁷ Oh mi mìng sền đah bơdìh! Dilah gơs cau lơi dòn nền lah, khai gơrê bal mơ Bơtau Krist gen kơlôi is tĕ lah cau hơ̆ gơrê bal mơ Bơtau Krist be lơi, gen bol hi kung gơrê bal mơ Kơnràñ behơ̆ sơl.

II Kôrintô 10:7 ပူးပေါင်းရင်းမြစ်များ

Mathiơ 23:5

Jơh ală broă bol khai lơh la nàng cau in sền gŏ, bơh bol khai wan gơltau bơta boh lam ơnàng mơ pơnhwài jòng tiang ào,

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Jang 7:24

Bañ cahrña jat đah bơdìh, mơya cahrña tĕ jat bơta di ngan.”

I Kôrintô 1:12

Mơ añ kòñ đơs ală bơta oh mi đơs lah: “Añ gơrê mơ Pol;” hala “Añ gơrê mơ Apôlôs,” hala “Añ gơrê mơ Sepha,” hala “Añ gơrê mơ Bơtau Krist.”

I Kôrintô 14:37

Dilah cau lơi kơlôi is să he la cau gơnoar hwơr Yàng Tom Trồ dê hala gơs bơta ai gòi đah hwềng, gen git tĕ ală jơnau añ cih oh mi in do la jơnau sồr Yàng dê.

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.

I Kôrintô 3:23

mơ oh mi la gơrê bal mơ Bơtau Krist; mơ Bơtau Krist la gơrê bal mơ Yàng Tom Trồ.

I Kôrintô 9:1

Añ ò di geh khat gơboh ò ơ? Añ ò di la cau gơnoar bơto dờng ò ơ? Añ ò di neh gŏ Yàng Jesu la Yàng bol he dê ò ơ? Oh mi ò di la broă añ jê tòm Yàng ò ơ?

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

II Kôrintô 11:18

Bơh gơs oă cau jòng să jat poac să, gen añ kung rơp jòng să behơ̆ sơl.

II Kôrintô 11:23

Bol khai la cau duh broă Bơtau Krist dê ơ? Ơi, añ đơs be cau tùl gơla añ gơs rlau! Añ neh kong bòl glar lơh broă oă rlau, ơm jàm oă rlau, kong pù lơh oă ngan. Oă dơ̆ añ mòr chơt;

II Kôrintô 11:4

Bơh oh mi neh chò nùs kong dòp, dilah gơs cau lơi lòt tus bơto yal oh mi in dô nă Jesu ndai krơi is mơ Yàng Jesu bol hi neh bơto yal, mơ oh mi neh dòp dô nơm hwềng mơ jơnau niam ndai krơi is mơ Yàng Hwềng mơ Jơnau Niam oh mi neh dòp bơh bol hi.

II Kôrintô 12:11

Añ neh gơlik tùl gơla bơh oh mi rồn bơklơn añ; pal ngan la oh mi jòng ro añ sồng di, bơh bulah añ ò kwơ dô êt lơi, kung ò di gơhuc mơ ală cau gơnoar bơto dờng màng ryŭ ne dô êt lơi ò.

II Kôrintô 13:3

bơh oh mi jòi cơng tàng lah Bơtau Krist đơs tòm añ, la Bơtau gơwèt mơ oh mi ò di la lơbơn lơño, mơya bềng gơnoar pràn digùl oh mi.

II Kôrintô 5:12

Bol hi ò tai yal tơlik is să he dê oh mi in, mơya kòñ ai oh mi in gơs tŭ jòng să tài bơh bol hi, tồ oh mi in geh bơta ho wơl mơ ală cau mìng jòng să bơh đah bơdìh mơ ò di bơh đah dơlam.

Galati 3:29

Dilah oh mi neh bal mơ Bơtau Krist, gen oh mi la jơi bơtiàn Abraham dê, hơ̆ la cau pơrdòn jat jơnau ho pơgon Yàng Tom Trồ dê.

I Jang 4:6

Bol he la bal mơ Yàng Tom Trồ. Cau lơi dòp git Yàng Tom Trồ gen iat bol he, ai cau lơi ò bal mơ Yàng Tom Trồ gen ò iat bol he. Bơh bơta do bol he git hwềng jơnau song mơ hwềng jơnau tìs.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”