II Kôrintô 10:5 - Sră Goh 2018

⁵ Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

II Kôrintô 10:5 ပူးပေါင်းရင်းမြစ်များ

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

II Ală Bơtau 19:22

Mê bơtat bơtròh mơ srat rma ñcau taih? Mê neh đơs dờng jơnau Ngan mê neh pò mat sền trol tòmdră mơ ñcau taih? Khin cha tòmdră mơ Bơtau Goh Israel dê!

II Ală Bơtau 19:28

Bơh mê gơhào gơjrañ mơ Añ, mơ bơh jơnau pơnhừ să mê neh tus di tồr Añ, ngan Añ rơp cuh ơn dô nơm kòng di muh mê, nàng gla di bơr sơndồi mê. Gen Añ lơh mê in rê wơl jat gùng mơ mê neh lòt tus.’

Sră Jop 42:6

Gen tàng, añ ai lơh cù kìr bơh să tòm añ, Mơ gơjrañ sang glài tòm kơmbuh ù mơ bùh.”

Đơs Crih 10:4

Cau iơh bơsak lơh muh mat pơnhừ să đơs lah: “Yàng Tom Trồ rơp ò jòi bàn;” Jơh ală bơta kơlôi sơnơng khai dê la: “Ò gơs Yàng Tom Trồ.”

Đơs Crih 139:2

Yàng git tòm tŭ añ nggui mơ tòm tŭ añ ñă ntào; Yàng git loh ală bơta kơlôi sơnơng añ jê bơh tiah ngài.

Đơs Crih 18:27

Bơh Yàng dong tă làng bol pơndêt să, Mơya tơmù mat cau pơnhừ să.

Đơs Crih 18:44

Tòm tŭ bol khai kơno đơs bơh añ gen bol khai dòn bơr añ; Ală cau làng bơdìh dòn duh añ dô bă rngòt.

Lik Ejiptơ 5:2

Mơya Pharaôn ho lah: “Jehôwa la ñcau mơ añ pal dòn bơr khai mơ lòi làng bol Israel lik lòt taih? Añ ò git Jehôwa mơ kung rơp ò lòi cau Israel lik lòt.”

Jơnau Pơnđik 15:26

Bơta kơlôi sơnơng iơh la cù kìr Yàng Jehôwa in; Mơya jơnau sàng goh niam nùs Kơnràñ.

Jơnau Pơnđik 24:9

Bơta kơlôi sơnơng bơrngơl gơla hơ̆ la tồi glài; cau dơñŏ tơnhial ai lơh cù kìr kòn mơnus in.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Esai 60:14

Ală kòn sau ală cau rồn bơklơn mê rơp tus kun tơnliah di đap mê; jơh ală cau sền òsơp di mê rơp cùn khoai di jơng mê, mơ mê rơp geh sơnđan la Ƀòn Dờng Yàng Jehôwa dê, la Siôn gơrê mơ Bơtau Sàng Goh Israel dê.

Jeremi 23:29

“Jơnau añ ngan ò di kung be ồs, kung be mut pòng bơcah lŭ ơ?” Yàng Jehôwa đơs behơ̆.

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Ejekiel 17:24

Jơh ală chi tòm ƀlàng rơp git hơ̆ la Añ, Yàng Jehôwa, neh tơmù chi jơnhoa hơđơm mơ yò tơngguh chi liah hơđang. Añ lơh ro chi tơlir mơ lơh chi ro gơlik tơlir niam wơl. Añ la Yàng Jehôwa, neh đơs mơ Añ rơp lơh bơta hơ̆.”

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Luka 1:51

Kơnràñ neh ai tê Kơnràñ mơ lơh gơs bơta pràn kơldang, lơh gơprah gơpring cau gơs nùs kơlôi pơnhừ să,

Rôma 1:21

Bơh bulah bol khai git Yàng Tom Trồ, mơ kung ò bài jòng ro mơ ưnngài Kơnràñ sơl, mơya kư̆ tìs nrah tòm ală bơta kơlôi sơnơng mơ nùs tùl gơla bol khai dê gơlik klam jơngo.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

Rôma 7:23

mơya añ git ngan tòm să jan añ gơs dô bơta boh lam ndai tòmlơh mơ bơta boh lam tòm nùs kơlôi añ, kup añ jàm lơh gơs dĭ gơna bơta boh lam tồi glài dê, hơ̆ la bơta boh lam tòm să jan añ jê.

I Kôrintô 1:19

Bơh neh cih lah: “Añ rơp tơnroh bơta jak chài ală cau jak chài dê, Mơ Añ rơp tă sang bơta git wă ală cau bơtê oă dê.”

I Kôrintô 3:19

Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

II Kôrintô 9:13

Bơh kơnòm dê bơta pà gòi phan hơ̆, bol khai đal git oh mi dòn jat Jơnau Niam Bơtau Krist dê mơ oh mi neh ràng tơlik, mơ kơnòm dê bơta pà gòi wìu ơnàng oh mi dê gơwèt mơ bol khai mơ gơwèt mơ tơl nă cau, gen bol khai jòng ro Yàng Tom Trồ.

Yal Wơl 15:9

Kơrhia tĕ bañ prap bơta kơlôi sơnơng iơh do: ‘Nam dơ̆ poh la nam toh jơh ală dồs rơp tus rềp,’ mơ bol mê ò yal tơlik nùs iơh gơwèt hơ oh mi siơ̆u siar bol mê dê mơ ò dong bol khai phan lơi. Bol khai rơp hòi lùp Yàng Jehôwa tòmdră mơ bol mê mơ bol mê rơp gơkòl àñ glài.

Philip 4:7

Gen bơta lơngap lơngai Yàng Tom Trồ dê, la bơta jòng rlau jơh ală bơta git wă, rơp sền gàr nùs mơ bơta kơlôi sơnơng oh mi dê tòm Yàng Krist Jesu.

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.