II Kôrintô 10:1 - Sră Goh 2018

¹ Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

II Kôrintô 10:1 ပူးပေါင်းရင်းမြစ်များ

Đơs Crih 45:4

Tài bơh jơnau song, nàng sền gàr bơta song ngan, Tòm bơta ryŭ ryơm bơtau hào bơta pha lin rlau; Lòi tê ma bơtau dê bơto bơtau lơh ală broă cau pal rngòt.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

Mathiơ 21:5

“Yal tĕ mơ làng bol Siôn lah: Ne, Bơtau ai dê tus hơ ai, Nùs niam lơnhơn mơ hào alàng, Alàng kòn, la kòn alàng me dê.”

Broă 8:32

Tap Sră Goh khai sền la be do: “Khai neh kòl cau lam be belàt lòt tus di tiah cau lơh poac, Be belàt kòn kloat di đap cau siat sơnò, Khai kung ò tŭ lơi pò bơr.

Rôma 10:20

Mơ tai, Esai đơs dô bă khin cha lah: “Ală cau ò jòi jat Añ gen neh bàn Añ, Añ neh tơlik să di cau ò lùp jòi Añ.”

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Rôma 15:15

Mơya añ ai jơnau đơs kràñ cê cih dô êt jơnau do oh mi in nàng tơngkah wơl oh mi; hơ̆ la bơh bơta nđàc Yàng Tom Trồ neh ai añ in,

I Kôrintô 2:3

Mơ añ neh tus hơ oh mi tòm bơta lơbơn lơño, mơ tòm bơta rngòt rngơt mơ rơm să ngan.

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

I Kôrintô 4:21

Ñchi ală oh mi kòñ taih? Kòñ añ ai gai mơ tus, hala ai bơta kòñ gơboh mơ nùs niam lơnhơn mơ tus hơ oh mi taih?

II Kôrintô 10:10

Bơh gơs cau ƀà đơs lah: “Ală sră pơyoa khai dê đơs kơnjơ̆ mơ pràn kơldang, mơya tus di tŭ tòm mat gen khai lơbơn lơño, mơ jơnau đơs ò gơs kwơ màng.”

II Kôrintô 10:2

dan bañ bơklơn añ, tòm tŭ tòm mat pal ngui bơta kràñ cê, mơ añ mòng ngui gơwèt mơ ală cau òs đơs bol hi la cau lơh lòt jat poac să.

II Kôrintô 10:7

Oh mi mìng sền đah bơdìh! Dilah gơs cau lơi dòn nền lah, khai gơrê bal mơ Bơtau Krist gen kơlôi is tĕ lah cau hơ̆ gơrê bal mơ Bơtau Krist be lơi, gen bol hi kung gơrê bal mơ Kơnràñ behơ̆ sơl.

II Kôrintô 11:21

Añ ai lơh ƀàssìl mơ đơs jơnau do, gơlơh be bol hi neh lơbơn lơño. Mơya dilah gơs cau ndai khin cha jòng să bơh bơta lơi, gen añ kung khin cha sơl; añ đơs be cau tùl gơla.

II Kôrintô 11:30

Dilah pal jòng să, gen añ rơp jòng să bơh ală bơta lơbơn lơño añ jê.

II Kôrintô 12:5

Bơh cau hơ̆ añ rơp jòng să, mơya bơh să tòm añ, añ ò jòng să, mìng jòng să bơh bơta lơbơn lơño añ jê lơm.

II Kôrintô 3:12

Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,

II Kôrintô 5:20

Behơ̆ bol hi la cau gơnoar ala mat Bơtau Krist dê, kung be Yàng Tom Trồ bơh bol hi mơ bơto tơngkah; bol hi ai sơnđan Bơtau Krist dan oh mi gơtòmsòr wơl tĕ mơ Yàng Tom Trồ.

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

II Kôrintô 7:4

Añ dòn kơnòm nền cê di oh mi, mơ gơs oă bơta jòng să bơh di oh mi! Añ gơs bềng lìu bơta pơndòm pơniang, lìu làc bơta hòn chò digùl ală bơta bòl glar.

Galati 4:13

Oh mi git lah tòm tŭ poac să añ kòp jê mơ añ neh bơto yal Jơnau Niam oh mi in dơ̆ sơnròp,

Galati 5:2

Añ la Pol đơs mơ oh mi lah dilah oh mi kong siat gơltau, gen Bơtau Krist ò gơs kwơ oh mi in dô êt lơi.

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Philip 4:5

Ai tĕ jơh ală cau in git bơta kong ơt oh mi dê. Yàng neh rềp rau.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

II Tesalônika 3:17

Tê tòm añ la Pol cih jơnau còp să oh mi, hơ̆ la tềl cih tòm kòp nơm sră pơyoa añ jê; bơta cih añ jê la behơ̆.

Philemôn 1:19

Añ Pol, tê tòm añ cih jơnau do: Añ rơp tơm bi in. Ai bi dồs mơ añ bơh să tòm bi, gen ò kòp.

Philemôn 1:9

mơya tài bơh nùs kòñ gơboh chan añ rac dan la niam rlau. Mơ añ la Pol cau gơnoar ala mat Bơtau Krist dê, mơ tŭ do tài bơh Yàng Krist Jesu mơ kong ơm jàm.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.