II Kôrintô 1:5 - Sră Goh 2018

⁵ Bơh be ală bơta jê sồt Bơtau Krist dê bềng lìu tòm bol hi be lơi, gen bơta pơndòm pơniang bol hi dê bơh Bơtau Krist kung bềng lìu behơ̆ sơl.

II Kôrintô 1:5 ပူးပေါင်းရင်းမြစ်များ

Luka 2:25

Mơ tai, tòm Jerusalem gơs dô nă cau klau sơnđan la Simeôn, la cau song ring mơ duh rngòt, kơp gơn bơta pơndòm pơniang Israel dê, mơ Yàng Hwềng Goh ơm hơđang khai.

Broă 9:4

Khai gơplơ̆ tòm ù, mơ kơno jơnau đơs mơ khai lah: “Ơ Sol, Sol, ñchi bơh tài mê kup kơryan Añ taih?”

Rôma 8:17

Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Philip 2:1

Behơ̆, dilah tòm Bơtau Krist gơs bơta pơndòm pơniang lơi, dilah gơs bơta chồl pơndòm lơi tòm bơta kòñ gơboh, dilah gơs bơta gơtòmklac bal lơi tòm Yàng Hwềng, dilah gơs nùs gơboh mơ nđàc sơngit lơi,

Philip 3:10

nàng añ in rgơi geh git Bơtau Krist mơ gơnap gơnoar bơta kis wơl Kơnràñ dê, mơ geh pơnah tòm bơta jê sồt Kơnràñ dê, lơh añ in gơlik gơs be Kơnràñ tòm bơta chơt Kơnràñ dê,

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

II Timôthe 3:11

bơta kup kơryan, mơ bơta jê sồt bòl glar añ jê, la ală bơta neh gơtơntus di añ tòm Antiôt, Ikôni mơ Listrơ. Ală bơta kup kơryan hơ̆ añ neh kong lơm, mơya Yàng neh dong tă añ lik klàs jơh.

I Pier 4:13

Mơya oh mi gơs pơnah tòm bơta bòl glar jê sồt Bơtau Krist dê kàr lơi, gen hòn chò tĕ kàr hơ̆, tồ tus di ngai bơta gơklŏ Kơnràñ dê geh ràng tơlik, gen oh mi kung geh hòn chò ò git lơh.