II Kôrintô 1:4 - Sră Goh 2018

⁴ Kơnràñ pơndòm pơniang bol hi tòm jơh ală bơta bòl glar bol hi dê, tồ bơh bơta pơndòm pơniang mơ Yàng Tom Trồ neh pơndòm pơniang bol hi, gen bol hi kung rgơi pơndòm pơniang cau ndai tòm bơta bòl glar lơi bol khai tìp sơl.

II Kôrintô 1:4 ပူးပေါင်းရင်းမြစ်များ

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Đơs Crih 32:7

Yàng la tiah kìng crŭ añ jê, Yàng sền gàr añ klàs di bơta bòl glar; Yàng ai jơnau driau hòn chò gòm gơrwàng añ mơ dong tă añ. (Selah)

Đơs Crih 66:16

Ơ jơh ală cau duh rngòt di Yàng Tom Trồ, tus tĕ iat, Gen añ rơp yal wơl bơta Yàng neh lơh añ in.

Đơs Crih 86:17

Dan Yàng ai añ in gŏ dô nơm tềl sơnio bơh bơta nđàc Kơnràñ dê; Tồ cau gơjrañ kơuềng di añ rơp gŏ tềl hơ̆ mơ kòl ƀàssìl; Ơ Yàng Jehôwa, tài bơh Yàng neh dong kòl mơ pơndòm pơniang añ.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 40:1

Yàng Tom Trồ bol mê dê đơs lah: “Pơndòm pơniang tĕ, pơndòm pơniang tĕ làng bol Añ jê.

Esai 49:10

Bol khai rơp ò jơgloh ò tơhìr, kơnhồl duh tòm ƀlàng bràs hala mattơngai rơp ò àl hơđang bol khai. Bơtau kòñ nđàc di bol khai rơp tề lam bol khai, mơ cèng bol khai tus rềp di croh dà.

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Esai 51:3

Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.

Esai 52:9

Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.

Jang 14:16

Añ rơp dan mơ Bèp, Kơnràñ rơp ai bol mê in dô Bơtau Pơndòm pơniang ndai, nàng ơm mơ bol mê sùm sùm.

Jang 14:18

Añ rơp ò lòi bol mê ơm kòn đòi ò, Añ rơp lòt tus hơ bol mê.

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

II Kôrintô 7:13

Hơ̆ la bơta bol hi geh pơndòm pơniang. Rlau mơ bơta pơndòm pơniang hơ̆; bol hi bơh bơta hòn chò Tit dê, gen hòn chò sơlo oă tai, tài bơh oh mi gen hwềng nùs khai dê geh rài bòl.

II Kôrintô 7:4

Añ dòn kơnòm nền cê di oh mi, mơ gơs oă bơta jòng să bơh di oh mi! Añ gơs bềng lìu bơta pơndòm pơniang, lìu làc bơta hòn chò digùl ală bơta bòl glar.

Philip 1:14

Gơs pơnah oă oh mi tòm Yàng, tài bơh añ kòl kơt mơ che sreng, gen bol khai gơs nùs dòn nền rlau, gơbơtơl nùs khin cha bơto jơnau Yàng Tom Trồ dê ò rngòt dô êt lơi.

I Tesalônika 4:18

Behơ̆ gen, oh mi ai tĕ jơnau hơ̆ nàng pơndòm pơniang bal mơ gơp.

I Tesalônika 5:11

Gen tàng oh mi pơndòm pơniang bal mơ gơp, bơt bơtào bal mơ gơp, kung be oh mi òs lơh.

Hebrơ 12:12

Behơ̆ pò tĕ ală tê lơbơn lơño oh mi dê mơ lơh pràn kơldang tĕ ală gơltang mprơm oh mi dê.