II Kôrintô 1:3 - Sră Goh 2018

³ Jòng ro ưnngài Yàng Tom Trồ, Bèp Yàng Jesu Krist bol he dê, la Bèp gơs nùs kòñ nđàc, la Yàng Tom Trồ ai jơh ală bơta pơndòm pơniang.

II Kôrintô 1:3 ပူးပေါင်းရင်းမြစ်များ

Sơnròp Gơlik Gơs 14:20

Pal jòng ro Yàng Tom Trồ Hơđang Rlau Jơh, Bơtau neh jào ală cau sò tơm tòm tê mê dê!” Tòm jơh ală phan Abram neh ai wơl, Abram ơn dô pơnah jơt khai in.

I Yal Yau 29:10

Dabit jòng ro Yàng Jehôwa di đap jơh mpồl làng bol, mơ đơs lah: “Jòng ro Kơnràñ, ơ Yàng Jehôwa la Yàng Tom Trồ Israel ồng pàng bol hi dê gam sùm sùm mơ ò lồi.

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Đơs Crih 18:46

Yàng Jehôwa gam kis sùm; Pơnai Lŭ pal geh jòng ro añ jê. Dan Yàng Tom Trồ bơta dong klàs añ jê geh yò tơngguh.

Đơs Crih 68:35

Cau pal rngòt di Yàng Tom Trồ tòm tiah sàng goh Kơnràñ dê; Yàng Tom Trồ Israel dê la Bơtau ai gơnap gơnoar mơ pràn kơldang làng bol Kơnràñ in. Pal jòng ro Yàng Tom Trồ!

Đơs Crih 72:19

Pal jòng ro sơnđan gơklŏ Kơnràñ dê jơl tus sùm sùm! Dan bơta gơklŏ Kơnràñ dê bềng lìu làm jơh plai ù! Amen, Amen!

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Esai 66:13

Añ rơp pơndòm pơniang bol mê kung be mè pơndòm pơniang kòn, mơ bol mê rơp geh pơndòm pơniang tòm Jerusalem.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 9:9

Jehôwa la Yàng Tom Trồ bol hi dê la Bơtau gơs bơta kòñ nđàc mơ jak toh glài bulah bol hi neh tòmdră mơ Kơnràñ.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Jang 10:30

Añ mơ Bèp la dùl.”

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

II Kôrintô 11:31

Yàng Tom Trồ la Bèp Yàng Jesu dê, la Bơtau pal jòng ro sùm sùm, git lah añ ò đơs blac.

II Kôrintô 7:6

Mơya Yàng Tom Trồ, la Bơtau pơndòm pơniang cau gơplơ̆ nùs, neh pơndòm pơniang bol hi bơh Tit lòt tus;

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Philip 2:11

mơ kòp nơm lơmpiat rơp yal tơlik Jesu Krist la Yàng nàng lơh gơklŏ Yàng Tom Trồ la Bèp.

Kôlôse 1:3

Tòm tŭ bol hi hòi dan oh mi in, gen òs ưnngài Yàng Tom Trồ, Bèp Yàng Jesu Krist la Yàng bol he dê,

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

II Jang 1:4

Añ gơs nùs hòn chò ngan gŏ cau ƀà tòm ală kòn mò dê lơh jat jơnau song, kung be bol he neh geh jơnau sồr bơh Yàng bèp.

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.