II Kôrintô 1:23 - Sră Goh 2018

²³ Añ hòi dan mơ Yàng Tom Trồ lơh cơng hwềng soàn añ in lah: hơ̆ la tài bơh añ ò bài lơh pơnjê di oh mi tàng añ òhềt lòt tus hơ Kôrintô;

II Kôrintô 1:23 ပူးပေါင်းရင်းမြစ်များ

Broă 18:1

Tơnơ̆ hơ̆ Pol lik bơh Athen lòt tus hơ Kôrintô.

Broă 18:8

Tŭ hơ̆ Krispus la cau at bồ hìu jum cau Juda, bal mơ jơh hìu nhă khai dòn Yàng; kung gơs oă cau Kôrintô kơno Pol bơto gen dòn, mơ gơs ƀaptem.

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Rôma 9:1

Añ đơs song tòm Bơtau Krist, añ ò đơs blac, nùs tồr añ lơh cơng añ in bơh Yàng Hwềng Goh lah:

I Kôrintô 4:21

Ñchi ală oh mi kòñ taih? Kòñ añ ai gai mơ tus, hala ai bơta kòñ gơboh mơ nùs niam lơnhơn mơ tus hơ oh mi taih?

I Kôrintô 5:5

oh mi jào tĕ cau hơ̆ cà Satan in nàng tơnroh poac să, tồ hwềng soàn khai geh dong klàs tòm ngai Yàng Jesu dê.

II Kôrintô 1:1

Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

II Kôrintô 1:18

Ngan be Yàng Tom Trồ la Bơtau dòn song, gen jơnau bol hi đơs mơ oh mi kung ò di đơs ƀà di ƀà ò.

II Kôrintô 10:2

dan bañ bơklơn añ, tòm tŭ tòm mat pal ngui bơta kràñ cê, mơ añ mòng ngui gơwèt mơ ală cau òs đơs bol hi la cau lơh lòt jat poac să.

II Kôrintô 11:10

Añ ai bơta song ngan Bơtau Krist dê ơm tòm añ mơ ho nền lah, tòm kơnhwàl Acai ò gơs cau lơi geh lềt bơr añ jòng să bơh bơta do.

II Kôrintô 11:11

Ñchi bơh tài añ đơs behơ̆ taih? Tài bơh añ ò kòñ gơboh di oh mi sơl ơ? Neh gơs Yàng Tom Trồ git!

II Kôrintô 11:31

Yàng Tom Trồ la Bèp Yàng Jesu dê, la Bơtau pal jòng ro sùm sùm, git lah añ ò đơs blac.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

II Kôrintô 13:10

Tài bơh hơ̆, tŭ añ neh ngkòi mat añ neh cih ală bơta do, nàng dơ̆ añ tòm mat ò càng lơh kràñ cê, jat be gơnoar Yàng ai añ in nàng bơt bơtào, ò di nàng sòr tơrlah.

II Kôrintô 13:2

Bơta hơ̆ añ neh đơs rau, tŭ do añ đơs dô dơ̆ tai, bulah ngai do añ neh ngkòi mat mơya ò gơkrơi be tŭ añ ơm mơ oh mi tòm dơ̆ bàr: Añ yal mơ cau lài òr neh tìs glài, mơ jơh ală cau ndai in lah dilah añ tus tai, gen ngan ò kong ơt tai,

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

Galati 1:20

Bơta añ cih oh mi in do la ngan, di đap Yàng Tom Trồ añ ò đơs blac.

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

I Tesalônika 2:5

Bơh oh mi neh git, bol hi ò tŭ lơi ai ală jơnau rơmhòc, kung ò di ai kai tồ jơm ndơp bơta hàm hà; gơs Yàng Tom Trồ lơh cơng bol hi in.

I Timôthe 1:20

tòm mpồl bol hơ̆ gơs Himene mơ Aleksandria, añ neh phi bol khai cà Satan in rau, tồ bol khai in kong lơh glài mơ bơtê git bañ đơs tràl sơrbil di Yàng Tom Trồ.