II Kôrintô 1:14 - Sră Goh 2018

¹⁴ kung be oh mi neh git wă dô êt bơh bol hi lah bol hi la bơta hòn chò oh mi dê, ò gơkrơi be oh mi kung la bơta hừh nùs bol hi dê tòm ngai Yàng Jesu bol he dê.

II Kôrintô 1:14 ပူးပေါင်းရင်းမြစ်များ

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

I Kôrintô 1:8

Yàng Tom Trồ rơp lơh ală oh mi in kơ̆ nền jơl tus di lồi dut nàng oh mi in ò gơs tiah geh lah pơrhơng tòm ngai Yàng Jesu Krist bol he dê.

I Kôrintô 11:18

Lài ngan añ kơno lah tòm tŭ oh mi pơjum tòm Hìu Jum Goh, gen gơs bơta cah is mpồl digùl oh mi; añ kung dòn dô êt bơh bơta hơ̆.

I Kôrintô 15:31

Ơ oh mi, bơta jòng să añ gơs bơh oh mi tòm Yàng Krist Jesu la Yàng bol he dê, mơ añ đơs nền lah añ chơt kòp ngai.

II Kôrintô 2:5

Mơya dilah gơs cau neh lơh gơs bơta moat jrùng, gen cau hơ̆ ò di mìng lơh añ in moat jrùng lơm, mơya kung lơh oh mi in moat jrùng dô êt; añ đơs dô êt do la tài bơh añ ò kòñ đơs rlau ir.

II Kôrintô 5:12

Bol hi ò tai yal tơlik is să he dê oh mi in, mơya kòñ ai oh mi in gơs tŭ jòng să tài bơh bol hi, tồ oh mi in geh bơta ho wơl mơ ală cau mìng jòng să bơh đah bơdìh mơ ò di bơh đah dơlam.

II Kôrintô 9:2

Bơh añ git nùs rcang sir oh mi dê, mơ añ kung jòng să bơh oh mi mơ cau Masedoan lah cau Acai rcang lài bơh dô nam rau, mơ bơta ngac ngar oh mi dê neh chồl nùs oă cau ndai.

Philip 1:10

nàng git loh ală broă niam rlau, tồ oh mi in geh sàng goh mơ ò gơs tiah geh lah pơrhơng jơl tus di ngai Bơtau Krist dê,

Philip 1:26

tồ tŭ lơi añ rê wơl mơ ală oh mi, gen oh mi rơp gơs oă bơta nàng geh jòng să bơh añ tòm Yàng Krist Jesu.

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Philip 2:16

be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.