Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II Kôrintô 1:12 - Sră Goh 2018

12 Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

အခန်းကိုကြည့်ပါ။ ကော်ပီ




II Kôrintô 1:12
40 ပူးပေါင်းရင်းမြစ်များ  

Bơh añ neh lòt jat ală gùng dà Yàng Jehôwa dê; añ neh ò lơh iơh mơ pơrlac sang Yàng Tom Trồ añ jê.


Do, Yàng rơp tơnchơt añ, añ ò gơs bơta gơn kơnòm. Mơya añ rơp dong tò gùng dà añ jê di đap mat Kơnràñ.


“Khoai Yàng Jehôwa, añ rac dan mơ Yàng, dan kah wơl mbe añ neh dòn song dô bă jơh nùs cơnđòa lòt di đap Yàng, mơ neh lơh ală broă niam di đap Kơnràñ!” Chòp, Ejekia ñìm rac sràt bơtang ngan.


Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”


Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.


Añ đơs song tòm Bơtau Krist, añ ò đơs blac, nùs tồr añ lơh cơng añ in bơh Yàng Hwềng Goh lah:


Bơh Bơtau Krist neh sồr añ lòt ò di nàng lơh ƀaptem, mơya nàng bơto yal Jơnau Niam; ò di kơnòm di jơnau đơs jak chài kòn mơnus dê, rngòt chi pơng Bơtau Krist dê ò gơlik gơs gơnap gơnoar.


Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,


Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.


Bol he kung bơto yal ală bơta hơ̆, ò di bơh jơnau bơta jak chài kòn mơnus bơto sồr, mơya bơh jơnau Yàng Hwềng bơto sồr; ngui jơnau đah hwềng nàng yal tơlik ală bơta đah hwềng.


Bơh añ ò gŏ bơta lơi tìs mơ să tòm añ, mơya añ ò kơnòm di bơta hơ̆ nàng geh kòp la song ring. Bơtau cahrña añ hơ̆ la Yàng.


Behơ̆, bol he prap gàr tĕ bơta Pơjum Sa Lòt Gan mơ bañ ngui kañ yau, kung bañ ngui kañ bih khih mơ bơta iơh bơsak, mơya ngui piang lă ò gơs kañ, hơ̆ la piang lă song ngan mơ jơnau song.


Tòm tŭ añ lơh nền behơ̆ gen añ mhar tòmgơl nùs ơ? Hala bơta añ lơh nền hơ̆ la añ jat poac să mơ lơh nền, tian gơs tòm añ gơs bơta ƀà di ƀà ò sơl ơ?


Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.


Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.


mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.


Añ đơs bơta hơ̆ ò di be gơnoar sồr, mơya bơh krơh ngac ngar cau ndai dê, nàng lòng bơta song ngan nùs kòñ gơboh oh mi dê la be lơi.


Kòp nă cau pal lòng sơwì is broă lơh he dê, gen bơta jòng să he la tài bơh he dê lơm, ò di tài bơh cau ndai.


Behơ̆ gen ntào kơ̆ tĕ, kơt but mơ jơnau song, soh ào lòs la bơta song ring,


nàng git loh ală broă niam rlau, tồ oh mi in geh sàng goh mơ ò gơs tiah geh lah pơrhơng jơl tus di ngai Bơtau Krist dê,


Oh mi la cau lơh cơng, Yàng Tom Trồ kung lơh cơng sơl, mbe lơi bol hi lơh lòt dô bă sàng goh, song ring, ò gơs tiah geh lah pơrhơng gơwèt mơ oh mi la cau dòn jat.


Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.


Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,


Dan oh mi hòi dan bol hi in, bơh bol hi git nền lah bol hi gơs nùs tồr niam, kòñ lơh lòt dô bă song ngan sùm tòm jơh ală bơta.


Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”


Behơ̆ gen tàng duh rngòt tĕ dê Yàng Jehôwa, mơ duh broă tĕ Kơnràñ dô bă jơh nùs dòn song, sang tĕ ngài bơh di bol mê ală yàng mơ ală ồng pàng bol mê neh duh broă đah ne hiòng mơ tòm lơgar Ejiptơ; duh broă tĕ Yàng Jehôwa.


Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.


Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ