II Kôrintô 1:11 - Sră Goh 2018

¹¹ Ală oh mi kung ai jơnau hòi dan nàng dong kòl bol hi bal, tồ kơnòm di oă jơnau hòi dan gen bol hi dòp geh bơta lơngai lơngò mơ gơs oă cau bơh bol hi mơ ưnngài Yàng sơl.

II Kôrintô 1:11 ပူးပေါင်းရင်းမြစ်များ

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Broă 12:5

Behơ̆, tòm tŭ Pier kòl krơ̆ tòm hìu jàm, ai Hìu Jum Goh kư̆ jơh nùs hòi dan mơ Yàng Tom Trồ sùm khai in.

II Kôrintô 4:15

Bơh jơh ală bơta gơlik gơs la tài bơh oh mi, tồ bơta nđàc bơh oă cau sơlo bơtơl oă ngan, nàng lơh bơta ưnngài kung sơlo bơtơl tơngkah tơngkañ, mơ lơh gơklŏ Yàng Tom Trồ in.

II Kôrintô 9:14

Mơ să tòm bol khai kung bơh bơta nđàc dờng ơnàng ngan Yàng Tom Trồ dê tòm oh mi, jơh nùs kòñ gơboh, mơ hòi dan oh mi in.

Philip 1:19

Bơh añ git lah kơnòm di bơta hòi dan oh mi dê mơ bơta dong kòl Yàng Hwềng Yàng Jesu Krist dê, añ rơp geh hồ toh.

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

I Tesalônika 5:25

Ơ oh mi, hòi dan tĕ bol hi in ƀà.

II Tesalônika 3:1

Lồi tơnơ̆, ơ oh mi, hòi dan tĕ bol hi in, nàng jơnau Yàng dê sơlo ntoat tơngguh mơ geh àng gơklŏ kung be ơm digùl oh mi sơl.

Philemôn 1:22

Gam dô bơta tai, hơ̆ la rcang lài tĕ ơdŭ ơm añ in, bơh añ kơp kòñ lah kơnòm di oh mi hòi dan, gen añ rơp geh tus hơ oh mi.

Hebrơ 13:18

Dan oh mi hòi dan bol hi in, bơh bol hi git nền lah bol hi gơs nùs tồr niam, kòñ lơh lòt dô bă song ngan sùm tòm jơh ală bơta.