II Kôrintô 1:10 - Sră Goh 2018

¹⁰ Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.

II Kôrintô 1:10 ပူးပေါင်းရင်းမြစ်များ

Đơs Crih 34:19

Cau song ring gơkòl oă bơta bòl glar kalke, Mơya Yàng Jehôwa dong tă khai bơh di jơh ală bơta hơ̆.

Esai 46:3

Ơ hìu Jakôp, iat tĕ Añ, Ơ jơh ală bol mê la cau gam wơl hìu Israel dê, bol mê la ală cau Añ neh tơnggơs bơh tŭ mê pa deh, mơ cèng mê bơh tòm kơndul mè.

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Daniel 6:16

Gen bơtau sồr cèng Daniel tus, mơ sơrbì khai tòm wàng klìu triă. Bơtau đơs mơ Daniel lah: “Dan Yàng Tom Trồ mê dê, la bơtau mê jơh nùs dòn song duh broă, rơp dong tă mê.”

Broă 26:21

Tài bơh hơ̆ tàng cau Juda kup añ tòm hìu duh khoai mơ mong tơnchơt añ.

Rôma 15:31

tồ añ geh dong tă klàs bơh ală cau ò dòn tòm lơgar Jude, mơ phan dong kòl añ cèng Jerusalem in rơp geh ală cau sàng goh niam nùs mơ dòp;

II Kôrintô 1:9

Bol hi ngan neh kơlôi be la bol hi pal dòp bơta lơh nền glài chơt, tồ bol hi in ò kơnòm di să tòm he, mơya kơnòm di Yàng Tom Trồ la Bơtau lơh cau chơt in geh kis wơl.

II Kôrintô 6:9

sền be cau nac crih mơya la cau mòng ngan; sền be mòr chơt mơya do gam kis; sền be kòl lơh glài tơmàl mơya ò kòl tơnchơt;

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

I Samuel 17:37

Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”

I Samuel 7:12

Gen Samuel ai dô nơm lŭ mơ bơtào gơ digùl Mispa mơ Jesanah, mơ tơmoh sơnđan gơ la Ebenejer, mơ khai đơs lah: “Yàng Jehôwa neh dong bol he jơl tus di tŭ do.”