II Kôrintô 1:1 - Sră Goh 2018

¹ Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

II Kôrintô 1:1 ပူးပေါင်းရင်းမြစ်များ

Broă 16:1

Pol tus hơ ƀòn dờng Derbơ mơ Listrơ. Tềng hơ̆, gơs dô nă cau bơtê sơnđan la Timôthe, kòn klau dô nă cau ùr Juda dê neh dòn Yàng, ai bèp khai la cau Grek.

Rôma 15:26

Bơh cau Masedoan mơ cau Acai gơs nùs chò hòp rì jền nàng dong kòl bơta siơ̆u siar ală cau sàng goh tòm Jerusalem.

Rôma 16:21

Timôthe, la cau bơyô lơh broă bal mơ añ, còp să oh mi; Lusius, Jasôn mơ Sôsipater la cau gơp bơtiàn añ kung behơ̆ sơl.

Rôma 16:5

Kung dan còp să Hìu Jum Goh pơjum tòm hìu bol khai. Dan còp să Epainet, la cau kòñ gơboh añ jê; khai la cau sơnròp dòn Bơtau Krist tòm kơnhwàl Asia.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

I Kôrintô 16:10

Dilah Timôthe tus, dong kòl tĕ khai nàng ơm bal mơ oh mi dô bă niam, bơh khai duh broă Yàng kung be añ sơl.

I Kôrintô 16:15

Ơ oh mi, gơs dô jơnau tơngkah tai, oh mi git lah hìu nhă Stephanas la plai bồ sơnam lơgar Acai, mơ bol khai lơh nền duh broă ală cau sàng goh in.

I Kôrintô 16:24

Nùs kòñ gơboh añ jê ơm bal mơ jơh ală oh mi tòm Yàng Krist Jesu. Amen.

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

II Kôrintô 1:19

Bơh Kòn Yàng Tom Trồ la Yàng Jesu Krist mơ bol hi, hơ̆ la añ mơ Silwan mơ Timôthe, neh bơto yal digùl oh mi, ò di đơs ƀà di ƀà ò; mơya tòm Kơnràñ mìng gơs bơta di lơm.

II Kôrintô 1:23

Añ hòi dan mơ Yàng Tom Trồ lơh cơng hwềng soàn añ in lah: hơ̆ la tài bơh añ ò bài lơh pơnjê di oh mi tàng añ òhềt lòt tus hơ Kôrintô;

II Kôrintô 11:10

Añ ai bơta song ngan Bơtau Krist dê ơm tòm añ mơ ho nền lah, tòm kơnhwàl Acai ò gơs cau lơi geh lềt bơr añ jòng să bơh bơta do.

II Kôrintô 9:2

Bơh añ git nùs rcang sir oh mi dê, mơ añ kung jòng să bơh oh mi mơ cau Masedoan lah cau Acai rcang lài bơh dô nam rau, mơ bơta ngac ngar oh mi dê neh chồl nùs oă cau ndai.

Galati 1:1

Pol, geh hòi sac lơh gơs cau gơnoar bơto dờng, ò di bơh jơi kòn mơnus, kung ò bơh dô nă cau lơi, mơya bơh Yàng Jesu Krist mơ Yàng Tom Trồ la Bèp, hơ̆ la Bơtau neh lơh Kơnràñ in kis wơl bơh bơta chơt.

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

I Tesalônika 1:1

Pol, Silbanus, mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp, mơ tòm Yàng Jesu Krist: Dan oh mi in geh bơta nđàc mơ bơta lơngap lơngai.

I Tesalônika 3:2

mơ sồr Timôthe la oh mi bol hi dê, la cau duh broă Yàng Tom Trồ tòm Jơnau Niam Bơtau Krist dê, lòt nàng lơh oh mi in geh kơ̆ nền mơ chồl pơndòm bơta dòn oh mi dê,

II Tesalônika 1:1

Pol, Silbanus mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp bol he dê, mơ tòm Yàng Jesu Krist:

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

II Timôthe 1:1

Pol la cau gơnoar bơto dờng bơh Yàng Jesu Krist, jat nùs kòñ Yàng Tom Trồ dê, mơ jat jơnau ho pơgon bơh bơta kis tòm Yàng Krist Jesu,

Sră Pơyoa Pol Dê Pơyoa Tit In 1:1

Pol, dĭ gơna Yàng Tom Trồ dê mơ la cau gơnoar bơto dờng bơh Yàng Jesu Krist, nàng lam ală cau geh sac rwah Yàng Tom Trồ dê tus hơ bơta dòn mơ git wă jơnau song, la dô bơta di pal mơ bơta dòn duh,

Philemôn 1:1

Pol, cau ơm jàm Yàng Krist Jesu dê, mơ Timôthe, oh mi bol he dê pơyoa Philemôn in, la cau kòñ gơboh mơ la cau bơyô lơh broă bal mơ bol hi,

Hebrơ 13:23

Oh mi pal git lah Timôthe la oh mi bol he dê neh geh hồ toh rau; dilah khai tus gòñ, gen añ mơ khai rơp lòt còp oh mi.