II Jang 1:12 - Sră Goh 2018

¹² Añ gam gơs oă bơta kòñ cih oh mi in mơya añ ò kòñ cih mơ sră mơ dà cih, añ kơp kòñ lòt tus hơ oh mi, tòmtìp mat mơ tòmbơhbơr bal tồ bơta hòn chò bol he dê geh wil tơl.

II Jang 1:12 ပူးပေါင်းရင်းမြစ်များ

Khà Làng Bol 12:8

Añ tòmbơhbơr tòm toh mat mơ khai, đơs loh làng ò đơs jơnau jrô ndơp; khai sền gŏ rùp să Yàng Jehôwa. Behơ̆ ñchi bơh tài bol mê ò rngòt đơs jơnau tòmdră mơ Môise la cau duh broă Añ taih?”

Jang 15:11

Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Jang 16:12

Añ gam gơs oă bơta tai kòñ đơs mơ bol mê, mơya tŭ do bol mê ò rgơi git wă.

Jang 16:24

Tus di tŭ do, bol mê òhềt ai sơnđan Añ mơ dan bơta lơi. Dan tĕ, gen bol mê rơp geh, tồ bơta hòn chò bol mê dê geh wil tơl.

Jang 17:13

Tŭ do Añ rê wơl hơ Bèp, mơ Añ đơs ală bơta hơ̆ tòm dunnia, tồ bơta hòn chò Añ jê geh wil tơl tòm bol khai.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Rôma 15:24

Tòm tŭ añ lòt hơ lơgar «Tây Ban Nha», añ kơp kòñ tus còp oh mi; tơnơ̆ mơ tŭ añ neh geh hừh nùs dô êt di oh mi, gen rơp kơnòm di oh mi jun añ lòt tus hơ lơgar hơ̆.

II Timôthe 1:4

Bơh añ kah dà mat mê, gen jơh nùs kơp kòñ tìp mat mê tồ geh bềng nùs hòn chò.

Philemôn 1:22

Gam dô bơta tai, hơ̆ la rcang lài tĕ ơdŭ ơm añ in, bơh añ kơp kòñ lah kơnòm di oh mi hòi dan, gen añ rơp geh tus hơ oh mi.

Hebrơ 13:19

Añ jơh nùs dan oh mi hòi dan añ, nàng añ in tus gòñ rlau hơ oh mi.

Hebrơ 13:23

Oh mi pal git lah Timôthe la oh mi bol he dê neh geh hồ toh rau; dilah khai tus gòñ, gen añ mơ khai rơp lòt còp oh mi.

I Jang 1:4

Bol hi cih ală bơta do nàng bơta hòn chò bol he dê geh wil tơl.

III Jang 1:10

Gen tàng dilah añ lòt tus, añ rơp yal ală broă khai lơh, la ai jơnau iơh bơsak mơ sòdră di bol hi. Bơta hơ̆ òhềt hừh nùs khai sơl, să tòm khai ò bài wă rò ală cau dòn Yàng, ai cau lơi kòñ wă rò gen khai kơryan, mơ bơtrơh tơlik bol khai bơh di Hìu Jum Goh.