II Ală Bơtau 24:3 - Sră Goh 2018

³ Ngan bơta do gơlik tus hơđang làng bol Juda la bơh gơnoar sồr Yàng Jehôwa dê, nàng tă tơlik bol khai bơh di đap Kơnràñ, tài bơh ală tồi glài Manase dê, mơ bơh jơh ală bơta tồi glài khai neh lơh,

II Ală Bơtau 24:3 ပူးပေါင်းရင်းမြစ်များ

Sơnròp Gơlik Gơs 50:20

Ală bi kòñ lơh iơh di añ, mơya Yàng Tom Trồ lơh wơl bơta kwơ añ in, nàng sền gàr bơta kis oă làng bol in, kung be neh gơlik gơs ngai do.

II Ală Bơtau 17:18

Gen tàng, Yàng Jehôwa gơhào gơjrañ ngan di làng bol Israel, mơ bơtrơh tơlik bol khai bơh di đap mat Kơnràñ; mìng gam wơl jơi bơtiàn Juda lơm.

II Ală Bơtau 17:20

Yàng Jehôwa neh sang lòi jơh jơi bơtiàn Israel, lơh glài bol khai mơ phi bol khai tòm tê ală cau phà tơnroh, jơl tus Kơnràñ bơtrơh tơlik bol khai bơh di đap mat Kơnràñ.

II Ală Bơtau 17:23

jơl tus di tŭ Yàng Jehôwa neh bơtrơh tơlik bol khai bơh di đap Kơnràñ, tòm toh be Kơnràñ neh yal lài bơh ală cau gơnoar hwơr dĭ gơna Kơnràñ dê. Behơ̆, Israel kong cèng pơrdô ngài bơh lơgar, ơm dĭ tòm lơgar Asiri jơl tus di ngai do.

II Ală Bơtau 18:25

Rlau mơ hơ̆, ò di jat gơnoar sồr Yàng Jehôwa dê mơ añ neh tus nàng tòmdră mơ phà tơnroh tiah do ò ơ? Yàng Jehôwa neh đơs mơ añ lah: Guh tĕ nàng tòmlơh mơ lơgar do, mơ phà tơnroh gơ.”

II Ală Bơtau 21:16

Manase kung lơh gơtuh oă mhàm ò gơs glài, tian gơs Jerusalem kong bềng bơh đah do tus hơ đah ne. Di gah glài mơ khai neh lơh Juda in tìs glài, gen tàng bol khai neh lơh ală bơta iơh di đap Yàng Jehôwa.

II Ală Bơtau 24:20

Bơh Jerusalem mơ làng bol Juda neh lơh Yàng Jehôwa in gơhào gơjrañ, tian gơs Kơnràñ bơtrơh tơlik bol khai bơh di đap mat Kơnràñ. Jedekia pơrlơ̆ dră di bơtau Babilôn.

II Yal Yau 24:24

Bulah mpồl ling Aram neh tus gơs mìng dô êt cau ling, Yàng Jehôwa neh jào phi tòm tê bol khai dô mpồl gơs oă cau rlau. Tài bơh Juda neh sang lòi Jehôwa Yàng Tom Trồ ală ồng pàng bol khai dê, bơta cahrña neh tus hơđang Jôas.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Esai 45:7

Añ lơh gơs bơta àng mơ mòn gơs bơta klam jơngo, Añ ai bơta lơngai lơngò mơ crơng gơs bơta rung rài; Añ, Yàng Jehôwa, lơh jơh ală bơta hơ̆.

Jeremi 32:31

Ƀòn dờng do neh lơh kai Añ in gơhào gơjrañ, bơh tŭ pa bơtào gơs jơl tus ngai do. Gen tàng, Añ kòñ tă tơlik gơ ngài bơh di đap Añ,

Jeremi 52:28

Do la ntum khà làng bol mơ Nebukatnessar neh kup cèng ngài bơh di lơgar: Nam dơ̆ poh, pe rbô bàr jơt pe nă cau Juda.

Ejekiel 22:3

Mê rơp đơs lah: ‘Jehôwa Yàng Tom Trồ đơs be do: Dô nơm ƀòn dờng tuh hơđang să tòm gơ bơta lơh gơtuh mhàm, tŭ tơngai gơ dê neh tus rau, mòn ală rùp ràk lơh ƀơ̆ ƀơl is să tòm gơ.

Ejekiel 24:6

Gen tàng do la jơnau đơs Jehôwa Yàng Tom Trồ dê: ‘Bòl glar ngan ƀòn dờng bềng mhàm, bòl glar ngan glah tŭ do neh gơs è sa, mơ è sa hơ̆ òhềt tho goh! Tă tơlik jơh tĕ dơ̆ dô pet dô pet, ò càng sac rwah.

Amôs 3:6

Dô nơm kơlwòk uh tòm ƀòn dờng, gen làng bol ò rngòt ơ? Tòm tŭ bơta rung rài gơdùh tòm dô nơm ƀòn dờng, mìng la Yàng Jehôwa neh lơh gơlik gơs ò ơ?

Mice 2:10

Ñă ntào tĕ, mơ lòt! Bơh do ò di la tiah rlô bòl bol mê dê, tài bơh bơta ƀơ̆ ƀơl gơ neh kòl tơnroh bal mơ bơta jê sồt roh gơprah.

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.

Yal Wơl 29:28

Tòm bơta gơjrañ dờng mơ gơhào khuh Kơnràñ dê, Yàng Jehôwa neh dus tă bol khai bơh di ù tiah bol khai dê mơ sang sơrbì bol khai tòm dô nơm lơgar ndai be neh gơs tòm ngai do.”

Jôsue 23:15

Mơya kung be kòp jơnau ho pơgon niam Jehôwa Yàng Tom Trồ bol mê dê neh gơlik di ngan bol mê in, gen Yàng Jehôwa kung rơp tơndùh hơđang bol mê jơh ală bơta iơh mơ Kơnràñ neh đơs pơhìn bol mê, jơl tus di tŭ Kơnràñ neh tơnroh bol mê bơh di lơgar niam do mơ Jehôwa Yàng Tom Trồ bol mê dê neh ai bol mê in.