II Ală Bơtau 18:4 - Sră Goh 2018

⁴ Khai sòr tơrlah jơh ală tiah jơnhoa, pòng bơcah ală jrong duh khoai, pòng tơrlah ală rùp Asera, mơ pòng lề lac bơs kòng mơ Môise neh lơh; bơh jơl tus di tŭ hơ̆ cau Israel ơn phan duh khoai gơ in. Cau sơnđan rùp bơs hơ̆ la Nehustan.

II Ală Bơtau 18:4 ပူးပေါင်းရင်းမြစ်များ

II Yal Yau 31:1

Tòm tŭ neh sir jơh ală bơta hơ̆, ală cau Israel neh ơm tềng hơ̆ lik lòt tus hơ ală ƀòn dờng Juda dê, pòng bơcah ală pơnai lŭ mơ koh tòmpừ ală jrong duh khoai Asera dê. Bol khai sòr tơrlah ală tiah jơnhoa mơ ală cơnòng duh khoai tòm lam jơh Juda, Benjamin, Epraim mơ Manase. Tian gơs bol khai neh tơnroh jơh hir, gen jơh ală cau Israel rê wơl hơ ală ƀòn dờng tòm bol khai dê, jơh ală rê hơ sre brê tòm bol khai dê.

II Ală Bơtau 18:22

Mơya dilah bol mê rơp đơs mơ añ lah, bol hi kơnòm di Jehôwa Yàng Tom Trồ bol hi dê. Hơ̆ ò di bơh Kơnràñ mơ ală tiah jơnhoa mơ cơnòng duh khoai Kơnràñ dê mơ Ejekia neh sòr tơrlah, đơs mơ Juda mơ Jerusalem lah: Bol mê pal duh khoai di đap cơnòng duh khoai do tòm Jerusalem ò ơ?

II Ală Bơtau 12:3

Bulah behơ̆, ală tiah jơnhoa òhềt tă sang, làng bol gam ơn phan pơdơng mơ ơn phan duh khoai hơđang ală tiah jơnhoa hơ̆.

I Ală Bơtau 22:43

Khai lòt jat jơh gùng Asa, bèp khai, ò pleh bơh gùng hơ̆, lơh bơta niam di đap Yàng Jehôwa.

Ală Kwang Cahrña 6:28

Tòm tŭ làng bol tòm ƀòn dờng guh bic àng drim, bol khai gŏ cơnòng duh khoai Baal dê neh tơrlah, jrong duh khoai Baal dê neh tơrlah, jrong duh khoai Asera di gah neh gơkòl pòng dơrpă, kơnrồ dơ̆ bàr neh ơn lơh gơs phan ơn chu pơrguc hơđang cơnòng duh khoai pa bơt bơtào.

Ală Kwang Cahrña 6:25

Tòm mang hơ̆, Yàng Jehôwa đơs mơ Gideôn lah: “Kup tĕ kơnrồ dam dơ̆ bàr tòm mpồl phan poan jơng bèp mê dê, hơ̆ la kơnrồ gơs poh nam, sòr tơrlah cơnòng duh khoai Baal tòm hìu bèp mê dê, mơ pòng dơrpă jrong duh khoai Asera di gah gơ.

Yal Wơl 7:5

Bol mê pal lơh gơwèt hơ bol khai be do: Sòr tơrlah ală cơnòng duh khoai bol khai dê, jan bơcah ală lŭ duh khoai bol khai dê, koh tơnroh ală jrong duh khoai Asera bol khai dê mơ chu ală rùp ràk bol khai dê tòm ồs.

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.

Lik Ejiptơ 23:24

Bañ cùn khoai di đap ală yàng bol khai dê, hala duh khoai bol gơ, hala đòm jat bơta duh broă bol khai dê. Bol mê pal tơnroh jơh bol gơ, mơ jan bơcah lề lac ală lŭ jrong bol khai ơn duh khoai.

Đơs Crih 78:58

Bơh bol khai bơrcek Kơnràñ gơjrañ tài bơh ală tiah jơnhoa duh rùp ràk; Bol khai chồl nùs Kơnràñ ƀoah tài bơh ală rùp pac sềr bol khai dê.

II Yal Yau 33:3

Bơh khai bơt wơl ală tiah jơnhoa mơ bèp khai la Ejekia neh sòr tơrlah; khai kung bơt bơtào ală cơnòng duh khoai Baal in mơ bơtào ală jrong duh khoai Asera in, duh khoai jơh ală sơmañ hơđang trồ, mơ duh khoai bol gơ.

II Yal Yau 19:3

Bulah behơ̆, gơs dô êt bơta niam tòm bơtau, bơh bơtau neh tă sang ală jrong duh khoai Asera bơh di lơgar, mơ bơtau neh ơn nùs jòi jat Yàng Tom Trồ.”

II Ală Bơtau 16:15

Gen, bơtau Ahas ai gơnoar sồr cau gơnoar ơn phan duh khoai Uria in lah: “Hơđang cơnòng duh khoai dờng ơn tĕ phan ơn chu àng drim mơ phan ơn kòi mbo trồ mho; mơ phan ơn chu mơ phan ơn kòi mbo bơtau dê; bal mơ phan ơn chu mơ phan ơn kòi mbo jơh làng bol tòm lơgar dê, kung tuh hơđang gơ phan ơn ñô bol khai dê, mơ tuh tòmdră mơ gơ jơh ală mhàm phan ơn chu, bal mơ jơh mhàm ală phan ơn duh khoai dê. Mơya cơnòng duh khoai mơ kòng, lòi añ in rơp hòi lùp nùs Yàng dê.”

II Ală Bơtau 15:35

Bulah behơ̆, ală tiah jơnhoa òhềt phà tơrlah; làng bol gam ơn phan pơdơng mơ ơn phan duh khoai hơđang ală tiah jơnhoa hơ̆. Hơ̆ la Jôtham bơt bơtào ală mpồng hơđang hìu duh khoai Yàng Jehôwa dê.

II Ală Bơtau 15:4

Bulah behơ̆, ală tiah jơnhoa òhềt tă sang; làng bol gam ơn phan pơdơng mơ ơn ală phan duh khoai hơđang ală tiah jơnhoa hơ̆.

II Ală Bơtau 14:4

Bulah behơ̆, khai ò sòr tơrlah ală tiah jơnhoa; làng bol kư̆ ơn phan pơdơng mơ chu kơlhô hơđang ală tiah jơnhoa hơ̆.

II Ală Bơtau 23:4

Gen bơtau ai gơnoar sồr cau gơnoar dờng ơn phan duh khoai Hilkia, ală cau gơnoar ơn phan duh khoai, mơ ală cau sền gàr mpồng hìu duh khoai, cèng tơlik bơh hìu duh khoai Yàng Jehôwa jơh ală phan cau ngui neh lơh Baal in, Asera, mơ jơh ală sơmañ hơđang trồ. Khai chu ală phan hơ̆ di bơdìh Jerusalem, tòm ƀlàng sre Kidrôn, mơ cèng bùh gơ tus hơ Betel.

Lik Ejiptơ 34:13

Phà tơrlah tĕ ală cơnòng duh khoai bol khai dê, pòng bơcah tĕ ală lŭ bol khai duh khoai, mơ koh tĕ ală jrong Asera.

II Ală Bơtau 21:3

Bơh khai bơt bơtào wơl ală tiah jơnhoa mơ Ejekia bèp khai neh phà tơrlah, bơtào wơl cơnòng duh khoai Baal, bơtào rùp ràk Asera tòm toh be Ahap bơtau Israel neh lơh, duh khoai ală sơmañ hơđang trồ mơ duh broă gơ.

Esai 36:7

Mơya dilah mê đơs mơ añ lah: “Bol hi dòn kơnòm di Jehôwa Yàng Tom Trồ bol hi dê.” Hơ̆ ò di la Bơtau hơ̆ mơ Ejekia neh tă sang jơh ală tiah jơnhoa mơ ală cơnòng duh khoai, gen đơs mơ Juda mơ Jerusalem lah: “Bol mê pal duh khoai di đap ală cơnòng duh khoai do,” ò ơ?

Yal Wơl 5:5

(Tòm tŭ hơ̆ añ ntào digùl Yàng Jehôwa mơ bol mê nàng bơto yal bol mê in jơnau đơs Yàng Jehôwa dê, tài bơh bol mê rngòt di ồs mơ ò guh hơđang mơnơm.) Mơ Kơnràñ đơs lah:

II Ală Bơtau 10:26

Bol khai tă tơlik jơh ală phan duh khoai bơh hìu duh khoai mơ chu jơh,

II Ală Bơtau 11:18

Jơh làng bol lơgar dê lòt tus hơ bơmồng Baal mơ sòr tơrlah gơ, pòng bơcah cơnòng duh khoai mơ rùp ràk Baal dê, mơ tơnchơt Mathan, cau ơn phan duh khoai Baal, di đap cơnòng duh khoai. Cau gơnoar ơn phan duh khoai Jehôyada ơn cau kơp gàr hìu duh khoai Yàng Jehôwa dê.

II Ală Bơtau 23:14

Khai pòng bơcah rpot rpet ală jrong duh khoai, sòr tơrlah ală rùp ràk Asera, mơ rsìh ală ntìng ƀồc bềng hơđang hơ̆.