II Ală Bơtau 13:6 - Sră Goh 2018

⁶ Bulah behơ̆, bol khai kung ò sang tồi glài hìu Jerôbôam dê, la glài khai neh lơh cau Israel in gơtup tìs; mơya kư̆ lòt jat bơta tìs glài hơ̆; jrong duh khoai yàng ùr Asera kung gam tòm Samari.

II Ală Bơtau 13:6 ပူးပေါင်းရင်းမြစ်များ

I Ală Bơtau 16:33

Ahap kung bơt bơtào dô nơm jrong duh khoai Astarte. Behơ̆, Ahap lơh oă bơta iơh, bơrcek bơta gơjrañ Jehôwa Yàng Tom Trồ Israel dê rlau mơ ală bơtau tòm Israel lài mơ khai.

II Ală Bơtau 13:2

Khai lơh bơta iơh di đap Yàng Jehôwa; đòm jat ală bơta tồi glài Jerôbôam, kòn klau Nebat, hơ̆ la glài khai neh lơh cau Israel in gơtup tìs; khai ò pleh ngài bơh tồi glài hơ̆.

II Ală Bơtau 23:4

Gen bơtau ai gơnoar sồr cau gơnoar dờng ơn phan duh khoai Hilkia, ală cau gơnoar ơn phan duh khoai, mơ ală cau sền gàr mpồng hìu duh khoai, cèng tơlik bơh hìu duh khoai Yàng Jehôwa jơh ală phan cau ngui neh lơh Baal in, Asera, mơ jơh ală sơmañ hơđang trồ. Khai chu ală phan hơ̆ di bơdìh Jerusalem, tòm ƀlàng sre Kidrôn, mơ cèng bùh gơ tus hơ Betel.

II Ală Bơtau 18:4

Khai sòr tơrlah jơh ală tiah jơnhoa, pòng bơcah ală jrong duh khoai, pòng tơrlah ală rùp Asera, mơ pòng lề lac bơs kòng mơ Môise neh lơh; bơh jơl tus di tŭ hơ̆ cau Israel ơn phan duh khoai gơ in. Cau sơnđan rùp bơs hơ̆ la Nehustan.

II Ală Bơtau 17:16

Bol khai pơndang sang jơh ală bơta boh lam Jehôwa Yàng Tom Trồ bol khai dê mơ lơh bol khai in rùp pac sềr bàr nơm kòn kơnrồ, bol khai bơtào ală jrong duh khoai Asera, duh khoai jơh ală sơmañ đang trồ, mơ duh broă Baal.

II Ală Bơtau 10:29

Mơya khai ò sang lòi tồi glài Jerôbôam, kòn klau Nebat dê, hơ̆ la glài neh lơh cau Israel gơtup tìs: hơ̆ la khai gam lòi wơl ală rùp ràk kơnrồ màh tòm Betel mơ Dan.

I Ală Bơtau 16:26

Bơh khai lòt jat gùng Jerôbôam, kòn klau Nebat dê, mơ tòm ală bơta tồi glài khai neh lơh Israel in tìs glài, bơrcek Yàng Jehôwa, Yàng Tom Trồ Israel in gơjrañ bơh ală rùp ràk bol khai dê.

I Ală Bơtau 15:3

Khai neh tìs jơh ală tồi glài mơ bèp khai neh lơh lài mơ khai; nùs khai ò song mơ Jehôwa Yàng Tom Trồ khai dê, be nùs Dabit, ồng pàng khai.

Yal Wơl 7:5

Bol mê pal lơh gơwèt hơ bol khai be do: Sòr tơrlah ală cơnòng duh khoai bol khai dê, jan bơcah ală lŭ duh khoai bol khai dê, koh tơnroh ală jrong duh khoai Asera bol khai dê mơ chu ală rùp ràk bol khai dê tòm ồs.

I Ală Bơtau 14:16

Kơnràñ rơp lơh glài Israel tài bơh glài Jerôbôam dê, hơ̆ la glài khai neh tìs mơ glài khai neh lơh Israel in tìs glài.”

II Ală Bơtau 13:11

Khai lơh bơta iơh di đap Yàng Jehôwa, ò sang lòi tồi glài Jerôbôam, kòn klau Nebat, la glài neh lơh cau Israel in tìs glài, mơ kư̆ lòt jat rùp ràk hơ̆.

II Ală Bơtau 21:3

Bơh khai bơt bơtào wơl ală tiah jơnhoa mơ Ejekia bèp khai neh phà tơrlah, bơtào wơl cơnòng duh khoai Baal, bơtào rùp ràk Asera tòm toh be Ahap bơtau Israel neh lơh, duh khoai ală sơmañ hơđang trồ mơ duh broă gơ.

Esai 26:10

Bulah bơta nđàc geh yal tơlik cau iơh bơsak in, bol khai kung ò bơtê bơta song ring; bulah tòm lơgar bơta song ring, bol khai kư̆ dờng nùs, mơ ò sền gŏ bơta ryŭ ryơm Yàng Jehôwa dê.