II Ală Bơtau 11:9 - Sră Goh 2018

⁹ Ală cau kwang at bồ dô rhiang ling lơh jat jơh ală bơta cau gơnoar ơn phan duh khoai Jehôyada dê nting sồr. Kòp nă cèng bal ală cau ơm tòm broă kơp gàr ngai Saƀat, ală cau hơ̆ tus nàng rcang broă tòm ngai Saƀat, mơ lòt tus mơ cau gơnoar ơn phan duh khoai Jehôyada.

II Ală Bơtau 11:9 ပူးပေါင်းရင်းမြစ်များ

II Samuel 8:18

Benayah kòn klau Jehôyada la kwang at bồ cau Kerethit mơ cau Phelethit; mơ ală kòn klau Dabit la kwang bơyai broă cau bơtau dê.

II Ală Bơtau 11:4

Mơya tòm nam dơ̆ poh, Jehôyada hòi pơjum ală kwang at bồ rhiang ling kơp gàr mơ ală ling sền gàr gơlang bơtau, mơ bol hơ̆ neh tus mơ khai tòm hìu duh khoai Yàng Jehôwa dê. Khai bơtào bơta ho bal mơ srat să ho nền di hìu duh khoai Yàng Jehôwa; gen sơnio kòn klau cau bơtau bol khai in.

I Yal Yau 26:26

Selômit mơ ală gơp bơtiàn khai dê gơs broă tòm sền gàr jơh ală đam jàr prap gàr ală phan neh ơn is bơh bơtau Dabit, bơh ală cau tòm at bồ ală hìu nhă la ală cau kwang at bồ oă rbô nă mơ ală cau kwang at bồ oă rhiang nă, mơ bơh ală cau kwang at bồ mpồl ling neh geh ơn is.

II Yal Yau 23:8

Ală cau Lebi mơ jơh ală cau Juda lơh jat tòm toh be jơnau sồr cau gơnoar ơn phan duh khoai Jehôyada dê. Kòp nă lam ală cau khai dê, hơ̆ la ală cau gơs broă lơh tòm ngai Saƀat mơ ală cau neh sir lơh broă tòm ngai hơ̆, bơh Jehôyada cau gơnoar ơn phan duh khoai ò ai dô mpồl lơi lik rê.