II Ală Bơtau 10:9 - Sră Goh 2018

⁹ Àng drim ngai hìng, Jehu lik lòt, ntào di đap jơh làng bol mơ đơs lah: “Bol mê ò gơs glài lơi, añ la cau tòmdră mơ cau tòm añ, mơ neh tơnchơt khai; mơya ñcau neh tơnchơt ală cau do taih?

II Ală Bơtau 10:9 ပူးပေါင်းရင်းမြစ်များ

II Ală Bơtau 10:6

Gen Jehu cih bol khai in dô pang sră pơyoa dơ̆ bàr, mơ đơs lah: “Dilah bol mê ơm đah mơ añ, mơ dilah bol mê neh kòñ lơh jat jơnau añ jê, ai tĕ bồ ală kòn klau cau tòm bol mê dê cèng lòt tus mơ añ tòm Jejreel ngai hìng di di jơ do.” Tŭ hơ̆ poh jơt nă kòn klau bơtau dê gam ơm mơ ală cau kwang at bồ ƀòn dờng, la ală cau sền gàr ròng siam bol khai.

II Ală Bơtau 10:8

Tòm tŭ cau tus yal Jehu in, lah: “Cau neh cèng tus bồ ală kòn klau bơtau dê.” Jehu đơs: “Dap tĕ tòm bàr nơm gơnru di tiah mpồng ƀòn jơl tus ngai hìng.”

II Ală Bơtau 12:21

Jôaca, kòn klau Simeat, mơ Jôsaƀat, kòn klau Sômer, la ală dĭ gơna khai neh tơnchơt khai. Cau tơp khai bal mơ ală ồng pàng khai dê tòm ƀòn dờng Dabit; Amajiah kòn klau khai, pơrdòn sơbàn khai.

Esai 5:3

“Tŭ do, ơ cau ơm tòm Jerusalem mơ làng bol Juda, cahrña tĕ digùl Añ mơ suơn ño Añ jê.

Sră Ôse 1:4

Gen Yàng Jehôwa đơs mơ khai lah: “Tơmoh tĕ sơnđan khai la Jejreel tài bơh gam dô êt jŏ tai gen Añ rơp lơh glài hìu nhă Jehu tài bơh bơta gơhòr mhàm tòm Jejreel, mơ Añ rơp tơnlồi lơgar bơtau Israel.”

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”