Habakuk 1:3 - Sră Goh 2018

³ Ñchi Kơnràñ lòi añ in sền gŏ bơta lơh tìs, mơ lòi añ sền di bơta bòl glar tai taih? Bơta phà tơnroh mơ bơta rhung rhang ơm di đap añ; bơta tòmpìt tòmhà mơ tòm pơndang bal gơtơngguh.

Habakuk 1:3 ပူးပေါင်းရင်းမြစ်များ

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Cau Bơto 5:8

Dilah mê gŏ tòm lơgar gơs cau rƀah kong rồn bơklơn, hala gŏ bơta lơh tìs di bơta song ring mơ bơta di ngan, gen bañ ai lơh krơi; bơh gơs cau kwang jơnhoa ơm kơp sền bơh tiah jơnhoa rlau, mơ hơđang bol khai gam gơs dô nă kwang jơnhoa rlau hơđang bol khai.

Esai 46:12

Ơ ală cau kơldang nùs, ơm ngài bơh bơta song ring, iat tĕ Añ!

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Jeremi 15:10

Bòl glar añ in! Mè añ jê, mè neh tơnggơs añ Dô nă cau bơta tòmlah tòm pơndang tòm jơh lơgar! Añ neh ò ai cau in jồm, mơ kung ò càn mơ cau lơi; Bulah behơ̆, jơh tơl nă bol khai srat rma añ.

Jeremi 20:18

Ñchi bơh tài añ neh lik bơh kơndul mè nàng kong bòl glar moat jrùng, Jơh rài kis añ ơm tòm bơta ƀàssìl taih?

Jeremi 20:8

Kòp dơ̆ añ đơs gen pal ai jơnau hòi driau; añ pal driau lah: “Jàñ bơsak mơ phà tơnroh!” Bơh jơnau Yàng Jehôwa dê lơh añ in jơh ngai kong bơtat bơtròh mơ dơñŏ tơnhial.

Ejekiel 2:6

Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

II Pier 2:8

(bơh cau song ring do kis digùl bol khai kòp ngai hwềng soàn song ring khai dê jê sồt moat jrùng bơh ală broă tìs khat gơboh bol khai dê).