Galati 1:9 - Sră Goh 2018

⁹ Bol hi neh đơs rau, do añ đơs dô dơ̆ tai: Dilah cau lơi bơto yal oh mi in dô nơm jơnau niam lơi ndai, krơi is mơ Jơnau Niam oh mi neh dòp hơ̆, gen cau hơ̆ pal gơkòl srat rma.

Galati 1:9 ပူးပေါင်းရင်းမြစ်များ

Jơnau Pơnđik 30:6

Bañ bơtơl bơta lơi tòm jơnau Kơnràñ, rngòt Kơnràñ lah pơrhơng mê, mơ mê kòl kòp la dô nă cau đơs blac.

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

Broă 18:23

Khai ơm tềng hơ̆ dô êt jŏ, lồc behơ̆ lòt làm jơh lơgar Galati mơ lơgar Phriji, lơh jơh ală cau bơtê in kơ̆ nùs.

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.

Rôma 9:3

Bơh añ kơp kòñ lah dilah să tòm añ rgơi kong srat sơntơm, sang tơlik bơh Bơtau Krist, gen añ kung kong sơl, tài bơh oh mi gơp bơtiàn añ đah poac să,

II Kôrintô 1:17

Tòm tŭ añ lơh nền behơ̆ gen añ mhar tòmgơl nùs ơ? Hala bơta añ lơh nền hơ̆ la añ jat poac să mơ lơh nền, tian gơs tòm añ gơs bơta ƀà di ƀà ò sơl ơ?

Yal Wơl 12:32

Bol mê kơrhia tĕ lơh jat jơh ală jơnau añ sồr bol mê; bañ bơtơl jơnau lơi hala tă pơndut jơnau lơi bơh di gơ.

Yal Wơl 4:2

Bañ bơtơl jơnau lơi hơđang ală jơnau mơ añ sồr bol mê mơ kung bañ pơndut jơnau lơi bơh di ală jơnau hơ̆, mơya prap gàr tĕ ală jơnau sồr Jehôwa Yàng Tom Trồ bol mê dê mơ añ ai bol in.

Philip 3:1

Lồi tơnơ̆, ơ oh mi añ jê, hòn chò tĕ tòm Yàng! Añ ò dil cih tai ală broă do oh mi in bơh hơ̆ la lơngap lơngai ală oh mi in.

Philip 4:4

Hòn chò tĕ tòm Yàng sùm sùm. Añ đơs wơl tai: Hòn chò tĕ!