Este 9:30 - Sră Goh 2018

³⁰ Ală sră pơyoa neh geh pơyoa ai bơta lơngai mơ bơta dong tă tus hơ ală cau Juda, tus hơ dô rhiang bàr jơt poh kơnhwàl lơgar tòm lơgar bơtau Ahasuerus dê,

Este 9:30 ပူးပေါင်းရင်းမြစ်များ

Sơnròp Gơlik Gơs 23:1

Sara kis dô rhiang bàr jơt poh nam. Kàr hơ̆ la rài kis Sara dê.

Este 1:1

Do la bơta neh gơlik gơs tòm rài Ahasuerus, la cau bơtau neh at bồ hơđang dô rhiang bàr jơt poh kơnhwàl bơh lơgar Jôa tus hơ lơgar Ethiôpi.

Este 8:9

Ală cau gơnoar cih bơtau dê geh hòi tus tòm tŭ hơ̆, tòm ngai bàr jơt pe kơnhai pe la kơnhai Siban. Bol khai cih jơh ală jơnau gơnoar sồr Mordike dê pơyoa tus hơ ală làng bol Israel mơ ală cau kwang đơng lơgar, ală cau kwang at bồ kơnhwàl mơ ală cau ryŭ ryơm tòm dô rhiang bàr jơt poh kơnhwàl bơh Jôa tus Ethiôpi, mơ ală jơnau sồr do geh cih tòm jơnau cih kòp kơnhwàl mơ jat jơnau đơs kòp làng bol dê, mơ kung pơyoa ală làng bol Israel in tòm jơnau cih mơ jơnau đơs bol khai dê.

Đơs Crih 73:27

Ngan behơ̆, ală cau ơm ngài mơ Kơnràñ gen rơp roh rui; Kơnràñ pơndut tơnlồi cau lơi ò dòn song mơ Kơnràñ.

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 39:8

Ejekia ho wơl Esai lah: “Jơnau đơs Yàng Jehôwa dê mơ ồng pa yal wơl añ in iat hơ̆ la niam,” bơh bơtau kơlôi lah: “Rơp geh ring lơngai mơ ring niam tòm rài añ jê.”

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”