Este 9:19 - Sră Goh 2018

¹⁹ Tài bơh hơ̆ tàng ală cau Juda ơm tòm ƀòn lơgar, hơ̆ la ală cau ơm tòm ală ƀòn dềt, kah prap ngai jơt poan kơnhai Adar lơh gơs ngai hòn chò mơ ngai pơjum sa, dô ngai mơ bol khai pơyoa phan pà gòi bal mơ gơp.

Este 9:19 ပူးပေါင်းရင်းမြစ်များ

Este 8:17

Tòm kòp kơnhwàl lơgar mơ tòm kòp ƀòn dờng, tiah lơi neh tus jơnau gơnoar sồr cau bơtau dê gen gơs bơta hòn chò hừh hơh digùl cau Juda, bal mơ bơta ñô sa dờng mơ ngai ơm rlô pơjum chò hòp. Mơ gơs oă cau tòm ală làng bol ndai neh gơlik gơs làng bol Israel tài bơh bol khai rngòt rngơt ngan di làng bol Israel.

Este 9:20

Mordike cih prap ală bơta do, mơ khai pơyoa sră jơh ală cau Juda in tòm ală kơnhwàl lơgar bơtau Ahasuerus dê, cau ơm ngài mơ ơm rềp

Este 9:22

be ală ngai mơ cau Juda neh geh dong klàs bơh di tê ală cau sò tơm di bol khai, mơ la kơnhai mơ bơta moat jrùng bol khai dê neh gơlik gơs bơta hòn chò, mơ bơta ñìm rac bol khai dê gơlik gơs dô ngai pơjum sa. Bol khai pal lơh ală ngai hơ̆ in gơlik ală ngai pơjum sa chò hòp mơ hòn chò, ală ngai bơta pơyoa phan pà phan sa bal mơ gơp mơ phan ƀàn ală cau rƀah in.

Sacari 2:4

mơ đơs mơ khai lah: “Ntoat tĕ, đơs mơ cau klau pơnu hơ̆ lah: Jerusalem rơp gơlik dô nơm ƀòn dờng ò gơs dơrñang, tài bơh gơs oă ngan cau mơ phan poan jơng ơm tòm hơ̆.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Yal Wơl 15:7

Dilah digùl oh mi gơs dô nă cau rƀah lơòi tòm ƀòn dờng, tòm lơgar mơ Jehôwa Yàng Tom Trồ bol mê dê ai bol mê in, gen bañ lơh kơldang nùs hala oañ kơnềs sềt pơniă gơwèt hơ oh mi rƀah lơòi bol mê dê.

Yal Wơl 16:11

Mơ hòn chò tĕ di đap Jehôwa Yàng Tom Trồ bol mê dê di tiah Kơnràñ rơp sac rwah lơh gơs tiah ơm sùm sơnđan Kơnràñ dê; bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, ală cau Lebi ơm tòm ală ƀòn dờng bol mê dê, ală cau làng bol bơdìh, ală cau kòn đòi mơ ală cau ùr bơnrau ơm kis digùl bol mê.

Yal Wơl 16:14

Chò hòp tĕ tòm ngai pơjum sa bol mê dê, bol mê, ală kòn klau kòn ùr bol mê dê, ală cau klau cau ùr duh broă bol mê dê, ală cau Lebi, ală cau làng bơdìh, ală cau kòn đòi, mơ ală cau ùr bơnrau ơm kis tòm ală ƀòn dờng bol mê dê.

Yal Wơl 3:5

Jơh ală ƀòn dờng hơ̆ la ală ƀòn dờng kơ̆ cê gơs dơrñang jòng jơnhoa mơ mpồng dờng gơs kai kal wơl, mơ kung gơs oă ƀòn ò gơs dơrñang gùt dar sơl.

Yal Tơlik 11:10

Ală cau ơm tòm plai ù rơp hòn chò mơ pơjum ñô sa chò hòp bơh bàr nă bol khai, mơ ai gòi phan bal mơ gơp, tài bơh bàr nă cau gơnoar hwơr hơ̆ la dô bơta jê sồt bòl glar ală cau in ơm tòm plai ù.

I Samuel 25:8

Lùp tĕ ală cau dong broă ồng dê, gen bol khai rơp yal ồng in. Gen tàng lòi ală cau pơnu añ jê geh bơta nđàc di đap ồng, bơh bol hi neh tus tòm ngai pơjum sa. Dan pà ală cau dong broă ồng in mơ kòn klau ồng in la Dabit phan lơi ồng gơs tòm tê.’”