Este 9:18 - Sră Goh 2018

¹⁸ Mơya ală cau Juda ơm tòm Susa neh pơjum bal tòm ngai jơt pe mơ ngai jơt poan, mơ tòm ngai jơt pram gen bol khai ơm rlô mơ lơh ngai hơ̆ in gơlik gơs dô ngai pơjum sa mơ hòn chò.

Este 9:18 ပူးပေါင်းရင်းမြစ်များ

Este 8:11

Bơh ală sră pơyoa do bơtau ai gơnoar cau Juda ơm tòm kòp nơm ƀòn dờng pơjum bal mơ sền gàr bơta kis bol khai dê, geh gơnoar tơnroh, tơnchơt mơ lơh roh rui jơh ală gơnoar pràn gơrê mơ làng bol lơi hala kơnhwàl lơi at phan brồ lơh bol khai bal mơ bau kòn bol khai dê, mơ kung geh gơnoar tòmpìt ai phan mơna bol khai sơl.

Este 9:1

Ngai jơt pe kơnhai jơt bàr la kơnhai Adar, tòm tŭ gơnoar sồr bơtau dê mơ bơta lơh nền bơtau dê pal geh lơh jat, tòm ngai do tòm tŭ ală cau sò tơm di cau Juda kơp kòñ geh pha rlau mơ bol khai, mơya bơta hơ̆ neh geh tòmgơl gơlik gơs dô ngai ală cau Juda geh wơl gơnoar pràn hơđang ală cau sò tơm bol khai dê.

Este 9:11

Ntum khà cau neh kong tơnchơt tòm ƀòn dờng kơ̆ cê Susa neh yal cau bơtau in tòm ngai hơ̆.

Este 9:13

Este ho lah: “Dilah niam nùs bơtau gen dan ai cau Juda ơm tòm Susa in, tòm ngai hìng kung gơs gơnoar lơh jat jơnau gơnoar sồr bơtau dê kung be tòm ngai do sơl, mơ ai gơnoar sồr yồng jơt nă kòn klau Haman dê hơđang jrong yồng cau.”

Este 9:15

Cau Juda tòm Susa pơjum bal dô bă tòm ngai jơt poan kơnhai Adar, mơ bol khai tơnchơt pe rhiang nă cau klau tòm Susa, mơya bol khai ò tòmpìt ai phan mơna.

Este 9:2

Ală cau Juda pơjum bal dô bă tòm ală ƀòn dờng tòm làm jơh ală kơnhwàl lơgar bơtau Ahasuerus dê nàng brồ lơh ală cau neh jòi gùng tơnroh bol khai, mơ ò gơs cau lơi rgơi ntào jai tòmdră mơ bol khai, tài bơh bơta rngòt rngơt bơh bol khai neh dùh hơđang jơh làng bol.

Este 9:21

Sồr bol khai pal prap gàr ngai pơjum sa tòm ngai jơt poan mơ ngai jơt pram kơnhai Adar kòp nam,