Este 9:15 - Sră Goh 2018

¹⁵ Cau Juda tòm Susa pơjum bal dô bă tòm ngai jơt poan kơnhai Adar, mơ bol khai tơnchơt pe rhiang nă cau klau tòm Susa, mơya bol khai ò tòmpìt ai phan mơna.

Este 9:15 ပူးပေါင်းရင်းမြစ်များ

Este 8:11

Bơh ală sră pơyoa do bơtau ai gơnoar cau Juda ơm tòm kòp nơm ƀòn dờng pơjum bal mơ sền gàr bơta kis bol khai dê, geh gơnoar tơnroh, tơnchơt mơ lơh roh rui jơh ală gơnoar pràn gơrê mơ làng bol lơi hala kơnhwàl lơi at phan brồ lơh bol khai bal mơ bau kòn bol khai dê, mơ kung geh gơnoar tòmpìt ai phan mơna bol khai sơl.

Este 9:10

hơ̆ la jơt nă kòn klau Haman, kòn klau Hammedatha dê, la cau sò tơm di cau Juda. Mơya bol khai ò tòmpìt ai phan mơna.

Este 9:12

Cau bơtau đơs mơ bau ùr bơtau lah: “Tòm ƀòn dờng kơ̆ cê Susa cau Juda neh tơnchơt pram rhiang nă cau klau mơ jơt nă kòn klau Haman dê. Ñchi bol khai neh lơh tòm ală kơnhwàl ndai lơgar bơtau dê taih? Ñchi bơta ai dan taih? Gơ kung rơp geh ai ai in sơl.”

Este 9:13

Este ho lah: “Dilah niam nùs bơtau gen dan ai cau Juda ơm tòm Susa in, tòm ngai hìng kung gơs gơnoar lơh jat jơnau gơnoar sồr bơtau dê kung be tòm ngai do sơl, mơ ai gơnoar sồr yồng jơt nă kòn klau Haman dê hơđang jrong yồng cau.”

Este 9:14

Behơ̆ bơtau ai jơnau gơnoar sồr lơh jat behơ̆. Dô jơnau gơnoar sồr neh geh yal tơlik tòm Susa, mơ bol khai yồng jơt nă kòn klau Haman dê.

Este 9:16

Tŭ hơ̆ ală cau Juda ndai tòm kơnhwàl lơgar bơtau dê kung rcang gàr bơta kis bol khai dê, geh dong tă bơh cau sò tơm bol khai dê, mơ tơnchơt poh jơt pram rbô nă ală cau gơjrañ di bol khai, mơya bol khai ò tòmpìt ai phan mơna.

Este 9:2

Ală cau Juda pơjum bal dô bă tòm ală ƀòn dờng tòm làm jơh ală kơnhwàl lơgar bơtau Ahasuerus dê nàng brồ lơh ală cau neh jòi gùng tơnroh bol khai, mơ ò gơs cau lơi rgơi ntào jai tòmdră mơ bol khai, tài bơh bơta rngòt rngơt bơh bol khai neh dùh hơđang jơh làng bol.

I Tesalônika 5:22

Pleh tĕ di jơh ală bơta gơlơh be iơh bơsak.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”