Este 8:17 - Sră Goh 2018

¹⁷ Tòm kòp kơnhwàl lơgar mơ tòm kòp ƀòn dờng, tiah lơi neh tus jơnau gơnoar sồr cau bơtau dê gen gơs bơta hòn chò hừh hơh digùl cau Juda, bal mơ bơta ñô sa dờng mơ ngai ơm rlô pơjum chò hòp. Mơ gơs oă cau tòm ală làng bol ndai neh gơlik gơs làng bol Israel tài bơh bol khai rngòt rngơt ngan di làng bol Israel.

Este 8:17 ပူးပေါင်းရင်းမြစ်များ

Sơnròp Gơlik Gơs 35:5

Chòp, bol khai lòt gùng, mơ Yàng Tom Trồ tơndùh bơta rngòt rngơt hơđang ală ƀòn gùt dar tềng hơ̆, gen tàng bol khai ò ting jat ală kòn klau Jakôp dê.

Nehemi 8:10

Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Este 9:17

Bơta hơ̆ gơlik gơs tòm ngai jơt pe kơnhai Adar, mơ tòm ngai jơt poan bol khai ơm rlô mơ lơh ngai hơ̆ in gơlik gơs dô ngai pơjum sa mơ hòn chò.

Este 9:19

Tài bơh hơ̆ tàng ală cau Juda ơm tòm ƀòn lơgar, hơ̆ la ală cau ơm tòm ală ƀòn dềt, kah prap ngai jơt poan kơnhai Adar lơh gơs ngai hòn chò mơ ngai pơjum sa, dô ngai mơ bol khai pơyoa phan pà gòi bal mơ gơp.

Este 9:2

Ală cau Juda pơjum bal dô bă tòm ală ƀòn dờng tòm làm jơh ală kơnhwàl lơgar bơtau Ahasuerus dê nàng brồ lơh ală cau neh jòi gùng tơnroh bol khai, mơ ò gơs cau lơi rgơi ntào jai tòmdră mơ bol khai, tài bơh bơta rngòt rngơt bơh bol khai neh dùh hơđang jơh làng bol.

Este 9:22

be ală ngai mơ cau Juda neh geh dong klàs bơh di tê ală cau sò tơm di bol khai, mơ la kơnhai mơ bơta moat jrùng bol khai dê neh gơlik gơs bơta hòn chò, mơ bơta ñìm rac bol khai dê gơlik gơs dô ngai pơjum sa. Bol khai pal lơh ală ngai hơ̆ in gơlik ală ngai pơjum sa chò hòp mơ hòn chò, ală ngai bơta pơyoa phan pà phan sa bal mơ gơp mơ phan ƀàn ală cau rƀah in.

Este 9:27

Ală cau Juda dòp mơ bơtào kơ̆ be dô bơta òs mòng să tòm bol khai in mơ ală kòn sau bol khai in bal mơ jơh ală cau gơs dô bă bal mơ bol khai, bơta do ò geh sang lòi, bol khai pal pơnjat prap gàr bàr ngai do tòm kòp nam jat be neh cih mơ jat tŭ tơngai neh lơh nền.

Este 9:3

Jơh ală cau kwang at bồ tòm ală kơnhwàl, cau bơtau oh mơ ală cau kwang đơng lơgar, mơ ală cau kwang duh broă cau bơtau dê kung neh dong kòl ală cau Juda, tài bơh bol khai rngòt di Mordike.

Đơs Crih 105:38

Lơgar Ejiptơ gơs bơta chò hòp tòm tŭ làng bol Israel lik lòt, Tài bơh bơta rngòt rngơt dê làng bol hơ̆ neh tơndùh hơđang bol khai.

Đơs Crih 18:43

Yàng neh dong tă añ bơh di bơta tòmpìt tòmhà mơ ală làng bol, Bơtào añ lam bồ ală lơgar; Dô làng bol añ ò mòng git neh duh broă añ.

Lik Ejiptơ 15:16

Bơta rngòt rngơt rơp dùh hơđang bol khai. Ơ Yàng Jehôwa! Bơh gơnap gơnoar tơwòr tê Kơnràñ dê, bol khai rơp ơm mŏ mŏ kung be lŭ, jơl tus di tŭ lơi làng bol Kơnràñ dê lòt gan, jơl tus di tŭ làng bol Kơnràñ neh tơwài lòt gan.

Yal Wơl 11:25

Ò gơs cau lơi rgơi ntào tòmdră mơ bol mê; jat be jơnau Jehôwa Yàng Tom Trồ bol mê dê neh ho gen Kơnràñ rơp dùh bơta rơm să mơ rngòt rngơt bơh bol mê hơđang jơh lơgar lơi mơ bol mê rơp tus.

Yal Wơl 2:25

Tòm ngai do Añ rơp sơntòm tơndùh bơta rơm să mơ rngòt rngơt bơh bol mê hơđang jơh ală làng bol ơm hơđang plai ù. Bol khai rơp kơno ală jơnau yal bơh bol mê mơ bol khai rơp rơm să mơ kơlôi rngòt tài bơh bol mê.’”

Jôsue 2:11

Dơ̆ bol hi kơno ală bơta hơ̆ gen nùs bol hi gơlề lac jơh, ò gơs cau lơi digùl bol hi gam khin cha tai di đap ală ồng, ngan behơ̆, Jehôwa Yàng Tom Trồ ală ồng dê la Yàng Tom Trồ ơm hơđang trồ ne mơ tòm ù do.

Jôsue 2:9

mơ đơs lah: “Añ git lah Yàng Jehôwa neh ai ală ồng in lơgar do, bơta rngòt ală ồng neh dùh hơđang bol hi, tian gơs jơh ală cau tòm lơgar do rngòt gơdô nùs di đap ală ồng.

I Samuel 25:8

Lùp tĕ ală cau dong broă ồng dê, gen bol khai rơp yal ồng in. Gen tàng lòi ală cau pơnu añ jê geh bơta nđàc di đap ồng, bơh bol hi neh tus tòm ngai pơjum sa. Dan pà ală cau dong broă ồng in mơ kòn klau ồng in la Dabit phan lơi ồng gơs tòm tê.’”