Este 8:14 - Sră Goh 2018

¹⁴ Behơ̆ ală cau cèng sră, hào ơseh cau bơtau dê lik lòt sơrbac sơrbang, ntoat mhar bơh jơnau gơnoar sồr cau bơtau dê. Mơ jơnau gơnoar sồr cau bơtau dê neh tus tòm ƀòn dờng kơ̆ cê la Susa.

Este 8:14 ပူးပေါင်းရင်းမြစ်များ

I Ală Bơtau 4:28

Bol khai kung cèng tus hơ ală tiah neh lơh nền pơnah kòi màc bal mơ rhe nàng ròng ală ơseh hwài rơndeh lòs tòmlơh mơ ală ơseh ndai tai sơl.

II Yal Yau 30:6

Behơ̆ ală cau cèng sră neh lòt làm jơh Israel mơ Juda nàng cèng sră pơyoa bơh bơtau mơ ală cau kwang duh broă bơtau dê neh sồr, gơs jơnau cih be do: “Ơ làng bol Israel, rê wơl tĕ hơ Yàng Jehôwa la Yàng Tom Trồ Abraham, Isak mơ Israel dê, tồ Kơnràñ rơp rê wơl hơ ală cau gam wơl tòm bol mê la ală cau neh klàs bơh di tê ală cau bơtau Asiri dê.

Nehemi 1:1

Do la jơnau đơs Nehemi kòn klau Hakalia dê. Tòm kơnhai Kislep, tòm nam dơ̆ bàr jơt, tòm tŭ añ ơm tòm ƀòn dờng Susa,

Este 1:2

Tòm ală ngai hơ̆, tòm tŭ bơtau Ahasuerus nggui at bồ hơđang sơbàn bơtau khai dê tòm ƀòn dờng kơ̆ cê Susa,

Este 2:3

Dan bơtau pồ bơtào ală cau kwang tòm jơh ală kơnhwàl tòm lơgar bơtau dê nàng bol khai hòi pơjum jơh ală cau ơruh hàng mơnĕ hơ̆ tus hơ gơlang bau ùr bơtau dê tòm ƀòn dờng Susa, mơ jào Hegai in sền gàr; la kwang kriau duh broă bơtau dê, cau gơs gơnoar sền gàr ală cau ùr, mơ ai tĕ bol khai in ală phan ngui nàng bơka să.

Este 3:13

Ală sră hơ̆ geh pơyoa bơh ală cau ling cèng tus hơ jơh ală kơnhwàl lơgar cau bơtau dê, cih gơnoar sồr nàng tơnroh, tơnchơt mơ pơndut tơnlồi jơh ală cau Juda, cau pơnu mơ cau kra, cau ùr mơ kơnòm dềt, mìng tòm dô ngai la ngai jơt pe kơnhai jơt bàr la kơnhai Adar, mơ phà kơñau ală phan mơna bol khai dê.

Este 3:14

Dô pang sră geh cih tơlik mơ geh pơyoa làm jơh be dô bơta lơh nền tòm kòp kơnhwàl bơh jơnau yal tơnggit, hòi jà jơh ală làng bol pal rcang sir bơh ngai hơ̆,

Este 3:15

Ală cau geh kong sồr lik lòt sơrbac sơrbang jat jơnau gơnoar sồr cau bơtau dê, mơ bơta lơh nền neh geh yal tơlik tòm Susa la ƀòn dờng bơtau dê. Cau bơtau mơ Haman nggui ñô tơrnòm, mơya ƀòn dờng Susa gen sơlồng sơlàng.

Este 8:13

Dô pang sră cih wơl tòm toh be sră bơh sơnròp neh cih jơnau gơnoar sồr bơtau dê geh ngui lơh gơs be bơta boh lam tòm kòp kơnhwàl lơgar, mơ yal loh làng bol in, mơ cau Juda neh rcang sir tòm ngai hơ̆ nàng sal tê di ală cau sò tơm bol khai dê.

Este 8:15

Gen Mordike lik lòt bơh di đap cau bơtau, soh ồi ào bơtau dê dà tơlir trồ mơ dà bò, ndau dô nơm sơgơn bơtau dờng mơ màh, mơ soh dô nơm ào jrùh mơ bài che dơmài lơbơn dà gur. Mơ ƀòn dờng Susa ai jơnau driau dờng mơ hòn chò.

Cau Bơto 9:10

Jơh ală broă tê mê jòi nàng lơh, lơh tĕ dô bă jơh pràn mê dê; bơh tòm lơgar làng ƀồc, la tiah mê lòt tus, ò gơs broă lơh, ò gơs kơlôi sơnơng, ò gơs bơta git wă hala bơta jak chài.

Daniel 8:2

Tòm bơta gơtơnggŏ, añ gŏ añ ơm tòm Ƀòn Dờng Susa, kơnhwàl lơgar Elam, di gah hiòng Ulai.

I Samuel 21:8

Dabit lùp Ahimelek lah: “Ồng gơs dô nơm tà hala dô nơm đào lơi tềng do sơl? Añ ò cèng đào añ jê hala phan tòmlơh lơi ndai tài bơh broă cau bơtau dê jal ngan.”