Este 6:13 - Sră Goh 2018

¹³ mơ yal wơl Jeres bau khai in mơ jơh ală oh mi bơyô khai dê jơh ală bơta neh gơlik tus di khai. Ală cau jak bơyai broă khai dê mơ Jeres bau khai dê đơs mơ khai lah: “Mê neh sơntòm kong alah di đap Mordike, mơ tài bơh khai la jơi cau Juda gen mê ò jai tòmdră mơ khai; ngan la mê rơp kong alah di đap khai!”

Este 6:13 ပူးပေါင်းရင်းမြစ်များ

Sơnròp Gơlik Gơs 24:66

Cau dĭ yal mơ Isak jơh ală broă khai neh lơh.

Sơnròp Gơlik Gơs 40:19

Tòm pe ngai tai, Pharaôn rơp koh ngko ồng mơ yồng ồng hơđang tòm chi, mơ sềm rơp sa poac ồng.”

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

Sră Jop 15:24

Bơta bòl glar mơ moat jrùng jê sồt tơrngòt bol khai; Tòmdră mơ bol khai kung be dô bơtau rcang lik lòt nàng tòmlơh.

Sră Jop 16:2

“Añ neh kơno oă jơnau behơ̆; Jơh ală oh mi la cau pơndòm pơniang lơh jê sồt bòl glar lơm.

Đơs Crih 105:15

Mơ đơs lah: “Bañ ƀư di ală cau kong bong mơñà Añ jê, Bañ lơh iơh dê ală cau gơnoar hwơr Añ jê!”

Jơnau Pơnđik 28:18

Cau lơi ngui sa lơh lòt dô bă song ngan rơp geh dong klàs; ai cau lơi lòt jat gùng rkwet rkwe rơp gơdùh tòm trồm.

Daniel 2:12

Tài bơh bơta hơ̆ cau bơtau gơhào gơjrañ ngan, mơ ai jơnau sồr tơnchơt jơh ală cau jak chài Babilôn dê.

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Sacari 2:12

Yàng Jehôwa rơp dòp geh Juda lơh gơs sre brê Kơnràñ dê tòm lơgar sàng goh, mơ dô dơ̆ tai Kơnràñ rơp sac rwah Jerusalem.

Khà Làng Bol 24:9

Bol khai rlô să mơ bic kung be dô nơm klìu triă, kung be dô nơm klìu triă me, ñcau khin pơrlai gơ taih? Lơngai ală cau lơi in ai lơngai bol mê in, mơ ală cau srat sơntơm bol mê gen rơp kong srat sơntơm!”

Yal Wơl 32:10

Tòm tiah ƀlàng ngềt ngơt dê Kơnràñ neh jòi bàn khai, tòm ƀlàng sang gòi mìng gơs càl khồm, ò gơs chi che. Kơnràñ jơm gòm khai kơlôi rcang bơh khai. Kơnràñ sền gàr khai kung be kòn mat Kơnràñ dê,