Este 6:11 - Sră Goh 2018

¹¹ Behơ̆ Haman ai ào jrùh mơ ơseh. Khai tơnsoh ào jrùh Mordike in mơ tề ơseh gơs Mordike hào hơđang, mơ lam lòt tòm ală gùng ƀòn dờng dê mơ driau dờng di đap khai lah: “Do la bơta pal lơh di cau mơ bơtau kòñ bơtào jòng màng!”

Este 6:11 ပူးပေါင်းရင်းမြစ်များ

Ejra 6:13

Gen, jat be jơnau gơnoar sồr bơtau Darius neh pơyoa, gen Tattenai cau kwang at bồ kơnhwàl Đah Ne Hiòng, Sethar Bôjenai, mơ ală cau tòm mpồl mơ bol khai lơh jat dô bă kràñ cê ngan jat be jơnau bơtau Darius neh sồr.

Este 6:10

Gen cau bơtau ai jơnau sồr Haman lah: “Lòt tĕ mo, cèng ào jrùh mơ ơseh mơ lơh tòm toh jat be mê neh đơs hơ̆ Mordike in la cau Juda ơm nggui di mpồng gơlang bơtau dê. Bañ sang lòi bơta lơi mơ mê neh đơs hơ̆.”

Este 6:12

Tơnơ̆ mơ hơ̆, Mordike rê wơl hơ mpồng gơlang bơtau dê. Mơya Haman sơrbac sơrbang rê hìu, moat jrùng mơ gòm bồ,

Este 8:15

Gen Mordike lik lòt bơh di đap cau bơtau, soh ồi ào bơtau dê dà tơlir trồ mơ dà bò, ndau dô nơm sơgơn bơtau dờng mơ màh, mơ soh dô nơm ào jrùh mơ bài che dơmài lơbơn dà gur. Mơ ƀòn dờng Susa ai jơnau driau dờng mơ hòn chò.

Este 9:3

Jơh ală cau kwang at bồ tòm ală kơnhwàl, cau bơtau oh mơ ală cau kwang đơng lơgar, mơ ală cau kwang duh broă cau bơtau dê kung neh dong kòl ală cau Juda, tài bơh bol khai rngòt di Mordike.

Jơnau Pơnđik 27:18

Cau lơi sền gàr chi ƀal, rơp sa plai gơ; mơ cau lơi duh broă cau tòm he ngan geh jòng ro.

Esai 60:14

Ală kòn sau ală cau rồn bơklơn mê rơp tus kun tơnliah di đap mê; jơh ală cau sền òsơp di mê rơp cùn khoai di jơng mê, mơ mê rơp geh sơnđan la Ƀòn Dờng Yàng Jehôwa dê, la Siôn gơrê mơ Bơtau Sàng Goh Israel dê.

Luka 1:52

Tă tơlik cau gơnoar pràn bơh di sơbàn, Yò tơngguh cau ò diă ò diơng,

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.