Este 2:16 - Sră Goh 2018

¹⁶ Tòm tŭ Ester geh cèng tus hơ bơtau Ahasuerus tòm hìu gơlang bơtau dê tòm kơnhai jơt, hơ̆ la kơnhai Tebet, tòm nam dơ̆ poh rài at bồ khai dê.

Este 2:16 ပူးပေါင်းရင်းမြစ်များ

Ejra 4:6

Tòm rài at bồ Ahasuerus dê, tòm nam khai sơntòm at bồ, bol khai cih sră yă làng bol Juda mơ làng bol ơm tòm Jerusalem.

Ejra 7:8

Bol khai tus hơ Jerusalem tòm kơnhai pram, nam dơ̆ poh rài bơtau hơ̆ dê.

Este 2:1

Tơnơ̆ mơ hơ̆, tòm tŭ neh rài bơta gơjrañ bơtau Ahasuerus dê, gen khai kah wơl Basthi bơh bơta khai neh lơh, mơ bơta lơh nền bơtau neh tòmdră di khai.

Este 2:15

Tòm tŭ tus di wềr Este (cau ơruh mơ Mordike neh dòp gơs kòn ròng, la kòn ùr Abihail kồñ khai dê) lòt tus hơ cau bơtau, khai ò dan phan lơi rlau mơ phan mơ Hegai cau kwang kriau bơtau dê cau sền gàr hìu gơlang bau ùr bơtau dê neh lơh nền. Este dòp geh bơta sền dờng màng di đap jơh ală cau neh gŏ khai.

Este 2:17

Cau bơtau kòñ gơboh di Este rlau mơ jơh ală cau ùr ndai, mơ Este geh bơta nđàc di đap khai mơ geh dòp rò rlau mơ jơh ală cau ơruh ndai. Behơ̆ bơtau tơndau dô nơm sơgơn bơtau hơđang bồ Este, mơ bơtào khai gơs bau ùr bơtau ala Basthi.

Este 2:3

Dan bơtau pồ bơtào ală cau kwang tòm jơh ală kơnhwàl tòm lơgar bơtau dê nàng bol khai hòi pơjum jơh ală cau ơruh hàng mơnĕ hơ̆ tus hơ gơlang bau ùr bơtau dê tòm ƀòn dờng Susa, mơ jào Hegai in sền gàr; la kwang kriau duh broă bơtau dê, cau gơs gơnoar sền gàr ală cau ùr, mơ ai tĕ bol khai in ală phan ngui nàng bơka să.

Este 8:9

Ală cau gơnoar cih bơtau dê geh hòi tus tòm tŭ hơ̆, tòm ngai bàr jơt pe kơnhai pe la kơnhai Siban. Bol khai cih jơh ală jơnau gơnoar sồr Mordike dê pơyoa tus hơ ală làng bol Israel mơ ală cau kwang đơng lơgar, ală cau kwang at bồ kơnhwàl mơ ală cau ryŭ ryơm tòm dô rhiang bàr jơt poh kơnhwàl bơh Jôa tus Ethiôpi, mơ ală jơnau sồr do geh cih tòm jơnau cih kòp kơnhwàl mơ jat jơnau đơs kòp làng bol dê, mơ kung pơyoa ală làng bol Israel in tòm jơnau cih mơ jơnau đơs bol khai dê.