Esai 9:9 - Sră Goh 2018

⁹ Jơh làng bol rơp git jơnau hơ̆, hơ̆ la Epraim mơ làng bol Samari, bol khai ai nùs pơnhừ să mơ đơs lah:

Esai 9:9 ပူးပေါင်းရင်းမြစ်များ

I Ală Bơtau 22:25

Mice ho lah: “Tòm ngai hơ̆ mê rơp git, tòm tŭ mê dô mut nàng pồn tòm dô nơm ơdŭ tòm dơlam hìu.”

Jơnau Pơnđik 16:18

Bơta pơnhừ să lòt lài bơta rung rài jat tơnơ̆; Mơ bơta tơngguh is să lòt lài mơ bơta gơtup pừ.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Esai 28:3

Sơgơn dơwàng bơkào jòng să ală cau bơñul ñô Epraim dê, rơp kòl jă lề hơđơm mpàng jơng.

Esai 46:12

Ơ ală cau kơldang nùs, ơm ngài bơh bơta song ring, iat tĕ Añ!

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Esai 7:2

Tòm tŭ hìu Dabit kơno lah: “Aram neh lơh gơs dô bă bal mơ Epraim,” gen nùs Aca mơ làng bol khai dê wañ lơnggơh kung be chi tòm brê gơ ơwañ bơh càl.

Esai 9:8

Yàng Jehôwa neh yal dô jơnau tòmdră mơ Jakôp, jơnau hơ̆ tus hơđang Israel.

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Ejekiel 30:19

Behơ̆, Añ rơp lơh gơlik gơs bơta cahrña hơđang Ejiptơ, mơ bol khai rơp git Añ la Yàng Jehôwa.’”

Ejekiel 33:33

Tòm tŭ jơh ală bơta hơ̆ gơlik gơs, mơ nền cê ngan la gơ rơp gơlik gơs, gen bol khai rơp git la neh gơs dô nă cau gơnoar hwơr ơm digùl bol khai.”

Ejekiel 7:27

Cau bơtau rơp ñìm rac, cau kwang at bồ rơp soh bơta roh nùs moat jrùng, mơ tê làng bol tòm lơgar rơp rơm rngòt. Añ rơp lơh gơwèt hơ bol khai jat be bơta lơh lòt bol khai dê, mơ Añ rơp cahrña bol khai jat be bơta bol khai neh cahrña. Gen bol khai rơp git Añ la Yàng Jehôwa.’”

Ejekiel 7:9

Añ rơp ò nđàc sơngit di mê hala ò pơlai di mê. Añ rơp tơm wơl mê in jat bơta lơh lòt mơ jat ală bơta iơh mơ mê neh lơh digùl bol mê. Bol mê rơp git lah să tòm Añ, Yàng Jehôwa, la Bơtau tuh ală bơta rung rài hơ̆.

Sră Ôse 8:14

Israel neh hŭi Bơtau crơng gơs bol khai, mơ bơt bơtào ală hìu gơlang; Juda neh bơtơl oă ƀòn dờng kơ̆ cê. Mơya Añ rơp sồr ồs tus hơđang ală ƀòn dờng bol khai dê, mơ gơ rơp sa pơrguc jơh ală tiah kơ̆ cê hơ̆ bol khai dê.

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”

Malaci 3:13

Yàng Jehôwa đơs lah: “Bol mê neh đơs ală bơta ò niam tòmdră mơ Añ. Mơya bol mê lùp lah: ‘Ñchi bơta bol hi neh đơs tòmdră mơ Kơnràñ taih?’

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.