Esai 9:5 - Sră Goh 2018

⁵ Kòp nơm khŏ cau ling jă tòm tŭ tòmlơh, mơ kòp blah ồi ào neh gơđềt mhàm rơp lòi nàng chu tòm ồs, rơp gơlik kung be nsồm sing ồs.

Esai 9:5 ပူးပေါင်းရင်းမြစ်များ

Sơnròp Gơlik Gơs 32:30

Jakôp sơnđan tiah hơ̆ la Peniel bơh khai đơs lah: “Añ neh gŏ tòm toh mat mơ Yàng Tom Trồ mơ bơta kis añ jê gam geh dong klàs.”

Đơs Crih 46:9

Kơnràñ wàs jơh kơlìn làm jơh plai ù, Dơrpă ală àtak, koh ală tà gơs rpot rpet, Mơ chu ală rơndeh ơseh tòm ồs.

Đơs Crih 72:3

Lòi ală mơnơm mơ ală mơnơm dềt Cèng bơta pas gơs lơngap lơngai làng bol in tòm bơta song ring.

Lik Ejiptơ 23:21

Ơn tĕ nùs tồr di khai mơ iat tĕ jơnau lơi khai đơs. Bañ tòmdră wơl mơ khai; khai rơp ò toh glài tòmdră mê dê ò, tài bơh Sơnđan Añ jê ơm tòm khai.

Esai 13:4

Iat tĕ, gơs jơnau ntas hơđang ală mơnơm gơlơh be jơnau ntas bơh oă làng bol! Iat tĕ, gơs jơnau ntas nggồr digùl ală lơgar, gơlơh be ală làng bol pơjum bal! Yàng Jehôwa Gơnap Gơnoar Dờng pơjum tơrgòm dô mpồl ling nàng tòmlơh.

Esai 2:4

Kơnràñ rơp cahrña digùl ală làng bol mơ rơp pơnring bơta tòmyă digùl oă làng bol, bol khai rơp ai đào bol khai dê mơ tiar gơs sề ngal, mơ ai tà bol khai dê tiar gơs mơ̆. Làng bol do rơp ò tă đào tòmlơh mơ làng bol ne, bol khai rơp ò gam bơto bơta tòmlơh tai.

Esai 30:33

Bơh Tôphet neh rcang bơh jŏ rau; gơ geh rcang sir cau bơtau in. Brong ồs gơ dê jrô mơ ơnàng, gơs ồs mơ lòng oă ngan; nhơm tă Yàng Jehôwa dê kung be dô nơm croh siau sa hơng gơ.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Esai 4:4

Yàng Jehôwa rào goh bơta ƀơ̆ ƀơl ală kòn ùr Siôn dê dô dơ̆, Kơnràñ rơp jùt goh ală tềl mhàm bơh digùl Jerusalem mơ kơnòm di hwềng bơta cahrña mơ hwềng chu pơrguc dê.

Esai 9:4

Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 47:3

Kơno ntas jơng ơseh ntoat, mơ ntas kong rơndeh tòmlơh nggồr ur ur, ală mè bèp ò wèt wơl sền kòn, bơh ală tê bol khai dê gơlik lơbơn òsô,

Jôel 2:5

Bol gơ ntoat be rơndeh ơseh sơnđoh hơđang ală bồ mơnơm, gơs sap be ntas ồs sa rhe, kung be mpồl ling pràn kơldang brồ tus tòm tiah tòmlơh.

Lebi 3:11

Cau gơnoar ơn phan duh khoai rơp chu gơ hơđang cơnòng duh khoai lơh gơs phan sa, hơ̆ la dô nơm phan ơn chu mơ ồs ơn Yàng Jehôwa in.

Lebi 3:16

Cau gơnoar ơn phan duh khoai rơp chu ală phan hơ̆ hơđang cơnòng duh khoai lơh gơs phan sa, hơ̆ la dô nơm phan ơn chu tòm ồs, gơs ƀô bơlhu. Jơh ală dơngi gơrê mơ Yàng Jehôwa.

Mice 5:1

Tŭ do, bol mê gơrwàng gùt dar be dô nơm dơrñang! Gơrwàng tòmdră mơ bol hi; Bol khai ai gai pòng di tơrmồ cau at bồ Israel dê.

Nahum 3:2

Ntas ală gai cau pù lơh, nggồr ală kong rơndeh; Ơseh ntoat rat mơ rơndeh lòs tòmlơh ntoat mhar.

Sacari 6:13

Hơ̆ la să tòm khai rơp bơt bơtào hìu duh khoai Yàng Jehôwa in, mơ khai rơp geh bơta ryŭ ryơm, rơp nggui at bồ hơđang sơbàn khai dê, mơ khai rơp lơh gơs cau gơnoar ơn phan duh khoai hơđang sơbàn khai dê; mơ rơp gơs bơta gơtòmklac ring lơngai digùl bàr nơm gơnoar broă hơ̆.’

Mathiơ 3:11

Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs.

Broă 2:19

Mơ tai, Añ rơp tơlik bơta krơi hơđang trồ, Mơ tềl is tòm ù; hơ̆ la mhàm, ồs mơ ñhŭ;

Broă 2:3

Ală cau bơtê gŏ ală lơmpiat be lơmpiat ồs gơlik, gơcah is mơ rơp hơđang kòp nă cau tòm bol khai.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

Ală Kwang Cahrña 13:18

Cau gơnrơh Yàng Jehôwa dê ho lah: “Ñchi bơh tài mê lùp sơnđan añ taih? Sơnđan añ crih crài ngan!”

I Samuel 14:19

Tòm tŭ Sol ơm tòmbơhbơr mơ cau gơnoar ơn phan duh khoai, gen jơnau nggồr nggàc tòm sàl cau Philistin sơlo gơbơtơl oă rlau tai. Behơ̆ Sol đơs mơ cau gơnoar ơn phan duh khoai lah: “Lòi tĕ tê mê dê.”