Esai 9:4 - Sră Goh 2018

⁴ Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Esai 9:4 ပူးပေါင်းရင်းမြစ်များ

Sơnròp Gơlik Gơs 27:40

Mê rơp kơnòm di đào sồng kis, Mơ rơp duh broă oh mê in; Mơ tòm tŭ mê lòt nrah nring tềng do tềng dă, Mê rơp dơrpă yô oh mê dê bơh di ngko mê.”

Đơs Crih 125:3

Bơh gai gơnoar at bồ cau iơh bơsak dê rơp ò geh ơn hơđang ù tiah gơrê bal mơ cau song ring nàng cau song ring ò pò tê bol khai dê lơh bơta tìs.

Đơs Crih 81:6

“Añ neh tă phan àñ kơnjơ̆ bơh di pơnì mê dê, Tê mê dê ò càng at bài kơnjơ̆ tai.

Esai 10:16

Gen tàng, Yàng la Yàng Jehôwa Gơnap Gơnoar Dờng, rơp sồr dô bơta kòp jê tơnroh rhòi digùl ală cau ling pràn kơldang khai dê; hơđơm bơta gơklŏ khai dê dô nơm ồs rơp sa hơng ngan.

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 14:25

Añ rơp dơrpă cau Asiri tòm lơgar Añ; Añ rơp jă lề khai hơđang ală mơnơm hơđơm jơng Añ jê. Yô khai dê rơp geh hồ tă bơh di làng bol Añ jê, mơ ơnòng kơnjơ̆ khai dê geh tă bơh di pơnì bol khai dê.”

Esai 16:4

Lòi tĕ ală cau ntoat dô Môap dê ơm digùl bol mê; lơh gơs tĕ tiah kìng crŭ bol khai in klàs bơh di cau tơnroh.” Tòm tŭ cau rồn bơklơn ò gam tai, gen bơta tơnroh rơp lồi mơ cau jă trơm rơp kòl tơnroh bơh di lơgar.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Esai 49:26

Añ rơp lơh ală cau neh rồn bơklơn bol mê sa is poac tòm bol khai dê; bol khai rơp bơñul is bơh mhàm tòm bol khai dê, kung be bơñul bơh tơrnòm. Gen jơh ală jơi kòn mơnus rơp git lah Añ, Yàng Jehôwa, la Bơtau Dong Klàs mê dê, la Bơtau Dong Tơwài mê dê, hơ̆ la Bơtau Gơnap Gơnoar Dờng Làm Jơh Jakôp dê!”

Esai 51:13

Bơh bol mê neh hŭi Yàng Jehôwa la Bơtau Crơng Gơs bol mê, la Bơtau neh lì ală tap trồ mơ lă mơnàng plai ù, bol mê kis tòm bơta rngòt rngơt sùm kòp ngai tài bơh bơta gơjrañ cau rồn bơklơn dê, la cau neh lơh nền tơnroh bol mê? Bơh ntềng đah bơta gơjrañ dờng cau rồn bơklơn dê taih?

Esai 52:2

Guh tĕ, rtuh tĕ să tòm bol mê bơh thul ơmul, Ơ Jerusalem tiah gơkòl kup cèng. Ơ kòn ùr Siôn la cau kòl kup cèng, hồ tĕ che kơt bơh di ngko ai dê.

Esai 54:14

Ai rơp geh bơt bơtào kơ̆ tòm bơta song ring, bơta rồn bơklơn rơp ơm ngài bơh ai, ai rơp ò gơs bơta rngòt. Bơta rngòt rngơt rơp ò tus rềp di ai.

Esai 9:5

Kòp nơm khŏ cau ling jă tòm tŭ tòmlơh, mơ kòp blah ồi ào neh gơđềt mhàm rơp lòi nàng chu tòm ồs, rơp gơlik kung be nsồm sing ồs.

Jeremi 30:8

Yàng Jehôwa Gơnap Gơnoar đơs lah: ‘Tòm ngai hơ̆, Añ rơp dơrpă yô bơh di ngko mê; Rơp gơltac che cap mê, Cau crih mat rơp ò kup bol khai duh broă tai;

Jeremi 48:17

Ơ bol mê la cau ơm rềp gơ, ñìm rac tĕ bơh gơ! Jơh ală bol mê la cau git sơnđan gơ, Đơs tĕ lah: ‘Gai gơnoar pràn neh pă, gai jra bơta gơklŏ neh pă!’

Lebi 26:13

Añ la Jehôwa Yàng Tom Trồ bol mê dê, la Bơtau neh tă cèng bol mê bơh di Ejiptơ tồ bol mê ò gam ơm dĭ cau Ejiptơ in; Añ neh dơrpă yô bol mê dê mơ neh lơh bol mê in pò bồ jòng hơđang mơ lik lòt.

Nahum 1:13

Tŭ do Añ rơp dơrpă yô bol khai dê bơh di ngko mê, mơ gơltac che sreng neh kơt mê.”