Esai 9:3 - Sră Goh 2018

³ Yàng neh pò ơnàng làng bol do mơ neh bơtơl bơta chò hòp bol khai in; bol khai hòn chò di đap Yàng kung be hòn chò tòm ngai toès kòi, be cau hòn chò tòm tŭ tòmpà phan tòmpìt geh.

Esai 9:3 ပူးပေါင်းရင်းမြစ်များ

Nehemi 9:23

Kơnràñ kung neh bơtơl kòn sau bol khai gơs oă be sơmañ hơđang trồ, mơ neh jun bol khai mut tòm lơgar mơ Kơnràñ neh ho ai mò pàng in lơh gơs phan jơtài.

Sră Jop 12:23

Kơnràñ lơh ală lơgar gơlik dờng, gen tơnroh bol khai; Pò ơnàng nhàr lơgar ală làng bol, gen lơh nrah nring bol khai.

Đơs Crih 107:38

Kơnràñ ai lơngai bol khai in tian gơs bol khai tơnggơs oă tai; Kơnràñ ò lòi phan poan jơng bol khai dê kòl roh gơhuc.

Đơs Crih 119:162

Añ chò hòp ngan bơh jơnau Kơnràñ dê, Ò gơkrơi be cau jòi geh phan dờng màng.

Đơs Crih 4:7

Yàng lơh nùs añ in hòn chò oă rlau mơ bol khai, Tòm tŭ bol khai gơs oă kòi mi mơ tơrnòm ño tơngkah tơngkañ.

Esai 10:26

Yàng Jehôwa Gơnap Gơnoar Dờng rơp pò gai pù lơh tòmdră mơ bol khai, kung be tòm tŭ Kơnràñ neh tòmlơh mơ cau Midian di pơnai lŭ Hôrep; gai mơng Kơnràñ dê rơp ơm hơđang dàlềng, be Kơnràñ neh lơh tòm Ejiptơ.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 14:5

Yàng Jehôwa neh tơrpă gai at bồ cau iơh dê, mơ gai gơnoar ală cau at bồ dê.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 26:15

Mơya Kơnràñ neh bơtơl lơgar, ơ Yàng Jehôwa, Yàng neh bơtơl làng bol, bơta gơklŏ gơrê hơ Kơnràñ, Kơnràñ neh pò ơnàng jơh ală nhàr lơgar dê.

Esai 35:10

Mơ ală cau Yàng Jehôwa neh tơwài rơp rê wơl. Bol khai mut tòm Siôn bal mơ jơnau đơs chò; bơta hòn chò gam sùm sùm rơp tơndau hơđang bồ bol khai. Bol khai rơp bềng lìu bơta chò hòp mơ hòn chò, bơta moat jrùng mơ rac ròc rơp roh thit.

Esai 35:2

Gơcat bơkào lìu làc mơ hòn chò mơ chò hòp đơs chò. Bơta gơklŏ Liban dê rơp geh ai gơ in, bơta ryŭ ryơm Karmel mơ Sarôn dê; bol gơ rơp gŏ bơta gơklŏ Yàng Jehôwa dê, mơ bơta ryŭ ryơm Yàng Tom Trồ bol he dê.

Esai 54:1

“Đơs chò tĕ ơ cau ơm kơnền la cau ò tŭ lơi deh dô nă kòn; ai sap đơs chò driau dờng tĕ! Ơ ală cau ò tŭ lơi kong jê deh; tài bơh cau ùr gơkòl sang lòi rơp gơs oă kòn rlau mơ cau ùr gơs bau klau.” Yàng Jehôwa đơs behơ̆.

Esai 55:12

Bơh bol mê rơp lik lòt tòm bơta hòn chò, gen lam rê wơl tòm bơta lơngap lơngai. Ală mơnơm mơ ală dòr rơp ai jơnau đơs chò di đap bol mê, mơ jơh ală chi che tòm ƀlàng rơp tàp tê bol gơ dê.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 61:7

Tài bơh bơta ƀàssìl bol khai dê bàr dơ̆ rlau, mơ bơta sền òsơp geh yal tơnggit be pơnah tă khà bol khai dê; Gen tàng làng bol Añ jê rơp dòp geh bàr pơnah phan mơna bol khai dê, bol khai rơp geh bơta hòn chò gam sùm sùm.

Esai 65:14

Ală cau duh broă Añ rơp đơs chò bơh nùs bềng bơta chò hòp, mơya bol mê rơp ñìm rac bơh nùs moat jrùng, rac ròc bơh hwềng nùs sràt bơtang.

Esai 65:18

Mơya hòn chò tĕ mơ chò hòp tĕ gam sùm sùm tòm bơta Añ crơng gơs, bơh Añ rơp crơng gơs Jerusalem lơh gơs dô bơta chò hòp, mơ làng bol gơ dê lơh gơs dô bơta hòn chò.

Esai 66:10

Hòn chò tĕ mơ Jerusalem, mơ chò hòp tĕ bơh gơ, hòn chò tĕ bơh gơ! Ơ bol mê jơh tơl nă la cau neh ñìm rac pơt wòl bơh Jerusalem, chò hòp dờng tĕ bal mơ gơ.

Jeremi 31:7

Yàng Jehôwa đơs be do: “Đơs chò dờng tĕ chò hòp bơh Jakôp; Driau chò tĕ bơh cau lam bồ ală lơgar. Yal tơlik tĕ bơta jòng ro mơ đơs lah: ‘Khoai Yàng Jehôwa, dan dong klàs làng bol Kơnràñ, La làng bol gam wơl Israel dê.’

Sră Ôse 4:7

Bol khai sơlo bơtơl oă kàr lơi, gen sơlo bol khai tìs glài tòmdră mơ Añ kàr hơ̆ sơl; bol khai tòmgơl bơta gơklŏ mơ dòp bơta ƀàssìl.

Lebi 26:13

Añ la Jehôwa Yàng Tom Trồ bol mê dê, la Bơtau neh tă cèng bol mê bơh di Ejiptơ tồ bol mê ò gam ơm dĭ cau Ejiptơ in; Añ neh dơrpă yô bol mê dê mơ neh lơh bol mê in pò bồ jòng hơđang mơ lik lòt.

Sacari 10:8

Añ rơp lơh tềl tồ bol khai in git mơ pơjum tơrgòm bol khai. Bơh Añ neh dong tơwài bol khai; ntum khà bol khai dê rơp gal ngan kung be lài òr.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Luka 11:22

Mơya tòm tŭ gơs cau pràn kơldang rlau tus brồ lơh, pha lin rlau mơ khai, gen tòmpìt sơmbrơt jơh ală phan tòmlơh mơ khai neh kơnòm, mơ tòmpà ală phan mơna neh tòmpìt.

Broă 8:8

Gen tàng tòm ƀòn dờng hơ̆ bềng lìu bơta hòn chò.

Philip 4:4

Hòn chò tĕ tòm Yàng sùm sùm. Añ đơs wơl tai: Hòn chò tĕ!

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

Ală Kwang Cahrña 5:3

Iat tĕ do, ơ ală cau bơtau, ai tồr iat tĕ, ơ ală cau kwang at bồ, ơm iat tĕ! Añ rơp đơs chò Yàng Jehôwa in, añ rơp đơs chò; Añ rơp đơs chò jòng ro Jehôwa Yàng Tom Trồ Israel dê.

Ală Kwang Cahrña 7:22

Tòm tŭ bol khai neh uh pe rhiang nơm kơlwòk, gen Yàng Jehôwa lơh kòp nă tòm mpồl ling Midian dê ai đào tơnchơt gơp he mơ tòmdră wơl mơ jơh mpồl ling. Mpồl ling bol khai dê dô tus hơ Betsita đah Jerera jơl tus hơ nhàr Abel Mehôla di gah Tabat.

Ală Kwang Cahrña 8:12

Jeba mơ Jalmuna ntoat dô, mơya Gideôn ting jat mơ kup bàr nă bơtau cau Midian dê, Jeba mơ Jalmuna bal mơ jơh mpồl ling bol khai dê gơdùh tòm bơta rngòt rngơt.

I Samuel 30:16

Khai lam Dabit tus, gen gŏ bol hơ̆ ơm làm tòm dô nơm ƀlàng dờng, sa ñô kơnhơl chò hòp tài bơh neh pìt kup geh oă ngan phan mơna bơh lơgar Philistin mơ bơh Juda.