Esai 9:12 - Sră Goh 2018

¹² Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Esai 9:12 ပူးပေါင်းရင်းမြစ်များ

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

II Yal Yau 28:18

Tòm tŭ ală cau Philistin phà kơñau ală ƀòn dờng di jơng mơnơm mơ đah đơm Juda, mơ neh tòmpìt ai Bet Semet, Aijalôn, Gederôt, Sôkô mơ ală ƀòn gơ dê, Timna mơ ală ƀòn gơ dê, Gimjô mơ ală ƀòn gơ dê; mơ bol khai ơm tòm hơ̆.

Đơs Crih 79:7

Bơh bol khai neh sa loan Jakôp, Mơ lơh gơprah tiah ơm khai dê.

II Ală Bơtau 16:6

Di tŭ hơ̆ bơtau Edôm dê, ai wơl Elat gơrê mơ Edôm; mơ khai bơtrơh cau Juda lik bơh Elat, mơ cau Edôm tus ơm tòm Elat, bol khai ơm tềng hơ̆ jơl tus ngai do.

Jeremi 10:25

Dan Kơnràñ tuh bơta gơjrañ dờng Kơnràñ dê hơđang ală lơgar ò git Kơnràñ, Mơ hơđang ală làng bol ò hòi dan dê sơnđan Kơnràñ. Bơh bol khai neh sa loan Jakôp, Mơ neh sa loan; Bol khai neh sa pơrguc Jakôp, mơ lòi srau gòi tiah ơm khai dê.

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 9:21

Manase rơp sa loan Epraim, mơ Epraim rơp sa loan Manase; bol khai lơh gơs dô bă bal nàng tòmdră mơ Juda. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 35:11

Mơya, tŭ Nebukatnessar bơtau Babilôn tus tòmlơh mơ lơgar do, bol hi đơs bal lah: ‘Guh tĕ hơ Jerusalem, bơh rngòt di mpồl ling cau Kalde mơ mpồl ling Siri dê.’ Gen tàng bol hi tus ơm tòm Jerusalem.”

Jeremi 4:8

Tài bơh bơta do, ală bol mê soh tĕ ƀào sơnò kiat, Ñìm rac mơ pơt wòl lah: Bơta gơhào gơjrañ dờng Yàng Jehôwa dê òhềt pleh ngài bơh di bol hi.”

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’

Esai 11:14

Mơya bol khai rơp brồ tơm bơh hơđang ngkòi cau Philistin dê đah mattơngai mut; Bol khai lơh gơs dô bă bal nàng phà tòmpìt làng bol đah mattơngai lik. Bol khai rơp ơn tê tòmdră mơ Edôm mơ Môap, mơ cau Ammôn rơp dòn duh bol khai.

Ejekiel 6:14

Añ rơp pò tê tòmdră mơ bol khai, Añ rơp lơh ù tiah hơ̆ gơlik gơs tiah srau gòi, tòm làm bă tiah lơi bol khai ơm, bơh ƀlàng ngềt ngơt tus di Riblah. Gen bol khai rơp git Añ la Yàng Jehôwa.”

Ejekiel 16:27

Behơ̆, Añ neh pò tê tòmdră mơ ai mơ pơndêt lơgar ai dê; Añ jào phi ai tòm bơta hàm hà cau sò tơm ai dê, hơ̆ la ală kòn ùr Philistin; bol khai neh ai lơh krơi bơh bơta lơh lòt gơlềng gơlàng ai dê.

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Jeremi 15:7

Añ neh ai đồng nggum bol khai Di ală mpồng ƀòn dờng tòm lơgar do. Añ neh tă cèng bol khai mơ tơnroh làng bol Añ, bol khai neh ò pleh bơh gùng dà bol khai dê.

Sră Ôse 7:10

Bơta pơnhừ să Israel dê lơh cơng tòmdră mơ khai, bulah behơ̆ khai ò rê wơl hơ Jehôwa la Yàng Tom Trồ khai dê, hala jòi jat Kơnràñ.

Amôs 4:6

“Añ ai bol mê in sề goh ngan tòm ală ƀòn dờng bol mê dê, mơ lơh siơ̆u piang lă tòm jơh ală tiah bol mê dê, mơya bol mê kung ò rê wơl hơ Añ,” Yàng Jehôwa đơs behơ̆.

Amôs 4:8

Behơ̆, bàr hala pe nơm ƀòn dờng làng bol lòt yơng bơh ƀòn do tus hơ ƀòn ndai nàng jòi dà, mơya jòi ò tơl dà nàng hùc; bulah behơ̆, bol mê kung ò rê wơl mơ Añ,” Yàng Jehôwa đơs behơ̆.

Amôs 4:9

“Añ neh pù lơh bol mê bơh bơta ro rañ, mơ but bơsềt; Añ neh lòi srau gòi ală suơn, mơ ală suơn ño bol mê dê; srah nting sa loan chi ƀal mơ chi ôlibe bol mê dê, mơya bol mê kung ò rê wơl mơ Añ.” Yàng Jehôwa đơs behơ̆.

Amôs 4:10

“Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Sôphôni 3:2

Gơ neh ò iat sap đơs lơi, gơ neh ò dòp bơta lơh niam wơl. Gơ neh ò dòn kơnòm di Yàng Jehôwa, gơ neh ò tus rềp mơ Yàng Tom Trồ gơ dê.