Esai 8:9 - Sră Goh 2018

⁹ Ơ ală làng bol, lơh tĕ dô bă bal mơ gơlik roh nùs; Ơ jơh ală làng bol lơgar ngài, iat tĕ! Kơt tĕ but bol mê dê mơ gơdô nùs! Kơt tĕ but bol mê dê mơ gơdô nùs!

Esai 8:9 ပူးပေါင်းရင်းမြစ်များ

I Ală Bơtau 20:11

Mơya bơtau Israel ho: “Yal tĕ mơ bơtau lah: Cau soh ào lòs bañ pơnhừ să be cau hồ tơlik gơ.”

Jơnau Pơnđik 11:21

Di ngan cau iơh bơsak ò tŭ lơi klàs bơta lơh glài; Mơya jơi bơtiàn cau song ring rơp geh dong klàs.

Esai 28:13

Gen tàng jơnau Yàng Jehôwa rơp gơlik gơs bol khai in: “Jơnau sồr hơđang jơnau sồr, jơnau sồr hơđang jơnau sồr; sèng hơđang sèng, sèng hơđang sèng; dô êt tềng do, dô êt tềng ne.” Tồ bol khai rơp lòt mơ gơpừ sơrplàng, kong bơcah lề, yar dă, mơ kòl kup cèng pơrdô.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Esai 54:15

Dilah gơs cau guh brồ lơh ai, bơta hơ̆ rơp ò di tus bơh Añ; cau lơi brồ lơh ai rơp kong alah di đap ai.

Jeremi 42:11

Yàng Jehôwa đơs lah: bañ rngòt bơtau Babilôn, be bol mê neh rngòt; bañ rngòt bơtau hơ̆, bơh Añ ơm bal mơ bol mê nàng dong tă mơ dong bol mê klàs bơh tê khai.

Jeremi 46:3

Rcang tĕ khèl dềt khèl dờng, mơ lik tòmlơh!

Jeremi 46:4

Ơ ling hào ơseh, kơt tĕ ừn ơseh, hào tĕ! Ndau tĕ sơgơn lòs ñă jat sèng; Tồl tà mơ soh ào lòs!

Jeremi 51:20

“Mê la mut mơ phan tòmlơh Añ in; Añ rơp ngui mê phà tơrlah ală làng bol Mơ tơnroh ală lơgar.

Ejekiel 38:7

Rcang sir tĕ; rcang lài tĕ, mê bal mơ jơh ală mpồl pơjum gùt dar mê, mê at bồ tĕ bol khai.

Ejekiel 38:8

Tơnơ̆ mơ oă ngai, mê rơp geh hòi mut tòm mpồl ling. Tòm ală nam rơp tus mê rơp tòmpìt ai dô nơm lơgar pa geh bơt bơtào wơl tơnơ̆ mơ bơta tòmlơh, làng bol gơ dê neh geh pơjum tơrgòm bơh digùl oă làng bol tus hơđang ală mơnơm Israel dê, la tiah neh jŏ rau sang lòi ngềt ngơt. Bol khai neh geh cèng lik bơh di ală làng bol, mơ tŭ do jơh tơl nă bol khai ơm lơngap lơngai.

Jôsue 11:5

Jơh ală bơtau do pơjum dô bă bal jơh ală mpồl ling bol khai dê mơ lơh sàl bal di gah dà Merôm, nàng tòmlơh mơ Israel.