Esai 8:8 - Sră Goh 2018

⁸ gơ rơp hòr mut tòm Juda, gơ cèng pơrdô jơh, gơ lòt gan mơ bam ndơp tus di ngko; Ơ Emmanuel, gơ pò đar jơm gòm jơh đah ơnàng lơgar mê dê.”

Esai 8:8 ပူးပေါင်းရင်းမြစ်များ

II Ală Bơtau 17:3

Salmanaser, bơtau Asiri, lòt tus tòmdră mơ Ôse; khai kong duh Salmanaser, mơ boh dia khai in.

II Yal Yau 12:4

Khai tòmpìt ai ală ƀòn dờng kơ̆ cê Juda dê mơ brồ tus hơ Jerusalem.

Esai 10:6

Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 30:28

Nhơm tă Kơnràñ dê ò gơkrơi kung be gùng dà hòr pràn, bam tus di ngko. Kơnràñ nggum ală lơgar bơh dô nơm đồng bơta tơnroh, Kơnràñ gla kàng ală làng bol nàng lam bol khai lòt tìs gùng.

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Esai 7:17

Yàng Jehôwa rơp tơndùh hơđang mê mơ hơđang làng bol mê dê, mơ hơđang hìu bèp mê dê ală tŭ tơngai be do, òhềt tŭ lơi tus bơh di ngai Epraim cah is bơh Juda, mơ bơtau Asiri.”

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Jeremi 47:2

Yàng Jehôwa đơs be do: “Ne, ală ryà dà bơh đah đang gơtơngguh, rơp gơlik gơs hiòng dà tih, rơp ngŏ bam hơđang ù mơ ală phan hơđang ù, ngŏ bam ală ƀòn mơ làng bol ơm tòm hơ̆. Kòn mơnus rơp nggà driau, jơh ală làng bol tòm ù pơt wòl.

Jeremi 48:40

Yàng Jehôwa đơs be do: “Ne, cau sò tơm par kung be sềm klàng bung, Pò pơnđar tòmdră mơ Môap.

Jeremi 51:42

Dàlềng guh ngŏ bam Babilôn, gơ neh kong bồr mơ ală ryà dà dờng.

Ejekiel 17:3

Đơs tĕ lah: ‘Jehôwa Yàng Tom Trồ đơs be do: Gơs dô nơm klàng bung dờng gơs ală pơnđar dờng mơ sơnò jòng, să gơ gơs sơnò oă bơnga; gơ par tus di Liban. Gơtă cèng cồng chi nho rề,

Ejekiel 26:19

Jehôwa Yàng Tom Trồ đơs be do: “Tòm tŭ Añ lơh mê in gơlik gơs dô nơm ƀòn dờng sang lòi srau gòi, kung be ală ƀòn dờng ò gơs cau ơm; tòm tŭ Añ ai ală tiah jrô dàlềng dê mơ ală dà dờng gơ dê bồr hơđang mê,

Daniel 11:10

Ală kòn klau bơtau đah đang rcang tòmlơh, bol khai pơjum dô mpồl ling gal ngan, lòt gan kung be dà kŏ ò gơs cau lơi rgơi kơryan gùng, mơ tòmlơh tus di theng ling bơtau đah đơm dê.

Mice 1:9

Bơh tềl sồt khai dê ò rgơi sơmbòi; gơ rơp sa rề tus di Juda. Gơ neh tus di mpồng ƀòn dờng làng bol añ jê, tus hơ Jerusalem.

Mice 5:5

Kơnràñ rơp la bơtau bơta lơngap lơngai dê. Dilah cau Asiri brồ mut tòm ù tiah bol he dê, mơ lòt hơđang ù bol he dê, gen bol he rơp bơtào tơngguh poh nă cau ê gàr, mơ phàm nă cau gơnoar lam bồ làng bol nàng tòmdră mơ khai.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”