Esai 8:7 - Sră Goh 2018

⁷ gen tàng Yàng Jehôwa rơp cèng dà tih hiòng hòr pràn dờng tòmdră mơ bol khai; hơ̆ la bơtau Asiri bal mơ jơh bơta gơklŏ khai dê; gơ rơp hòr guh hơđang jơh ală hiòng gơ dê, gơ ngŏ lìu hơđang jơh ală àr gơ dê;

Esai 8:7 ပူးပေါင်းရင်းမြစ်များ

Sơnròp Gơlik Gơs 6:17

Mơ Añ, Añ rơp lam dà kŏ làm jơh hơđang ù nàng tơnroh ală poac să gơs nhơm kis tòm tiah trồ; jơh ală phan ơm hơđang ù gơ rơp chơt jơh.

II Ală Bơtau 19:32

Tài bơh hơ̆, Yàng Jehôwa đơs bơh bơtau Asiri be do: ‘Khai rơp ò mut tòm ƀòn do, ò pañ kam tòm gơ, ò tus di đap gơ mơ khèl, mơ ò bơt bơtào dơrñang tòmdră mơ gơ.’

Ejra 4:10

mơ ală cau ndai tòm ală làng bol, cau kwang dờng ryŭ ryơm Osnappar, neh geh sồr mơ lòi ơm tòm ƀòn dờng Samari dê mơ tòm jơh kơnhwàl gam wơl Đah Ne Hiòng.”

Đơs Crih 46:4

Gơs dô nơm hiòng dà, ală ntê dà hơ̆ lơh chò hòp ƀòn Yàng Tom Trồ dê, La tiah ơm sàng goh Bơtau Hơđang Rlau Jơh dê.

Đơs Crih 72:8

Dan ai khai in at bồ bơh dàlềng do tus hơ dàlềng ne, Bơh di hiòng jơl tus di lồi plai ù.

Esai 10:16

Gen tàng, Yàng la Yàng Jehôwa Gơnap Gơnoar Dờng, rơp sồr dô bơta kòp jê tơnroh rhòi digùl ală cau ling pràn kơldang khai dê; hơđơm bơta gơklŏ khai dê dô nơm ồs rơp sa hơng ngan.

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 11:15

Yàng Jehôwa rơp lơh soat kwil dàlềng Ejiptơ dê; Kơnràñ rơp pò tê ai càl duh hơđang hiòng dờng Ơphrat, Kơnràñ rơp cah is gơ gơlik poh nơm croh dà mơ lơh gơs dô nơm gùng cau rgơi tiă mơ jơng.

Esai 28:15

Tài bơh bol mê neh đơs lah: “Bol hi neh bơt bơtào dô bơta ho bal mơ bơta chơt, mơ gơs dô nùs bal mơ lơgar làng ƀồc. Tòm tŭ bơta rung rài tơnroh lòt gan mhar, gơ rơp ò tus di bol hi, bơh bol hi ngui bơta đơs blac lơh gơs tiah kìng crŭ, mơ ai bơta ma blac lơh gơs tiah pồn să.”

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

Esai 28:2

Do, Yàng Jehôwa gơs dô nă cau gơs gơnap gơnoar mơ pràn kơldang; be càl rbut dờng mơ mìu piar, dô bơta tơnroh bơh càl dờng; be dà kŏ bam làm bă tiah. Tê Kơnràñ dê sơrbì bol khai tòm ù.

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Esai 59:19

Behơ̆ ală cau đah mattơngai mut rơp rngòt di sơnđan Yàng Jehôwa, mơ ală cau bơh đah mattơngai lik rơp ki ngàm di bơta gơklŏ Kơnràñ dê. Bơh Kơnràñ rơp tus kung be dà tih, mơ càl Yàng Jehôwa cèng pơrdô khai.

Esai 7:17

Yàng Jehôwa rơp tơndùh hơđang mê mơ hơđang làng bol mê dê, mơ hơđang hìu bèp mê dê ală tŭ tơngai be do, òhềt tŭ lơi tus bơh di ngai Epraim cah is bơh Juda, mơ bơtau Asiri.”

Esai 7:20

Tòm ngai hơ̆ Yàng Jehôwa rơp ngui dô nơm pềs koah ơpah bơh đah ne hiòng hơ̆ la bơtau Asiri nàng koah bồ bol mê bal mơ sơnò jơng bol mê dê, mơ kung koah tơn sơnò tềp bol mê dê tai sơl.

Jeremi 47:2

Yàng Jehôwa đơs be do: “Ne, ală ryà dà bơh đah đang gơtơngguh, rơp gơlik gơs hiòng dà tih, rơp ngŏ bam hơđang ù mơ ală phan hơđang ù, ngŏ bam ală ƀòn mơ làng bol ơm tòm hơ̆. Kòn mơnus rơp nggà driau, jơh ală làng bol tòm ù pơt wòl.

Jeremi 51:42

Dàlềng guh ngŏ bam Babilôn, gơ neh kong bồr mơ ală ryà dà dờng.

Ejekiel 26:19

Jehôwa Yàng Tom Trồ đơs be do: “Tòm tŭ Añ lơh mê in gơlik gơs dô nơm ƀòn dờng sang lòi srau gòi, kung be ală ƀòn dờng ò gơs cau ơm; tòm tŭ Añ ai ală tiah jrô dàlềng dê mơ ală dà dờng gơ dê bồr hơđang mê,

Daniel 11:10

Ală kòn klau bơtau đah đang rcang tòmlơh, bol khai pơjum dô mpồl ling gal ngan, lòt gan kung be dà kŏ ò gơs cau lơi rgơi kơryan gùng, mơ tòmlơh tus di theng ling bơtau đah đơm dê.

Daniel 11:22

Ală mpồl ling rơp kong pơs jơh mơ bơcah lề lac di đap khai, mơ bơtau bơtào bơta ho bal kung behơ̆ sơl.

Daniel 9:26

Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Amôs 8:8

Lơgar rơp ò rơm să bơh bơta hơ̆ ơ? Mơ jơh ală làng bol ơm tòm hơ̆ rơp ò ñìm rac ơ? Jơh lơgar rơp guh kung be hiòng Nil; mơ rơp yò tơngguh gen gơkram wơl kung be hiòng Nil tòm Ejiptơ dê ơ?”

Amôs 9:5

Bơh Jehôwa Yàng Tom Trồ Gơnap Gơnoar Dờng Làm Jơh, la Bơtau ƀư di plai ù gen gơlề lac, mơ jơh ală làng bol kis hơđang hơ̆ ñìm rac; jơh plai ù gơguh kung be hiòng Nil, mơ gơkram wơl kung be hiòng Ejiptơ dê.

Mice 1:9

Bơh tềl sồt khai dê ò rgơi sơmbòi; gơ rơp sa rề tus di Juda. Gơ neh tus di mpồng ƀòn dờng làng bol añ jê, tus hơ Jerusalem.

Mice 5:4

Kơnràñ rơp ntào mơ ê gàr mpồl Kơnràñ dê kơnòm di pràn Yàng Jehôwa dê, bal mơ bơta ryŭ ryơm tòm sơnđan Jehôwa Yàng Tom Trồ Kơnràñ dê. Mơ bol khai rơp ơm lơngap lơngai, bơh tŭ hơ̆ Kơnràñ rơp la dờng làm jơh tus di ală tiah lồi plai ù dê.

Mice 5:5

Kơnràñ rơp la bơtau bơta lơngap lơngai dê. Dilah cau Asiri brồ mut tòm ù tiah bol he dê, mơ lòt hơđang ù bol he dê, gen bol he rơp bơtào tơngguh poh nă cau ê gàr, mơ phàm nă cau gơnoar lam bồ làng bol nàng tòmdră mơ khai.

Nahum 1:8

Tian gơs tòm dà kŏ hòr pơrdô, Kơnràñ rơp tơnlồi jơh ală cau sò tơm Kơnràñ dê, mơ Kơnràñ rơp ting jat ală cau sò tơm Kơnràñ dê tus tòm bơta klam jơngo.

Luka 6:48

Cau hơ̆ ndròm be cau ne bơt hìu, tò jrô, bơt mơnàng hơđang lŭ klềr; tòm tŭ dà tih ngơr, gơhòr jroh tus di hìu hơ̆, kung ò geh wañ lơnggơh, bơh neh bơt bơtào kơ̆ cê.

Yal Tơlik 17:15

Cau gơnrơh đơs tai mơ añ lah: “Ală dà mơ mê neh gŏ, gơs cau ùr dri tơlàr nggui hơđang, hơ̆ la ală làng bol, ală mpồl bơnòr oă, ală lơgar mơ ală jơnau đơs.