Esai 7:6 - Sră Goh 2018

⁶ “Bol he guh tĕ tòmlơh mơ Juda, lơh tơnroh Jerusalem, mơ tòmpìt sơmbrơt lơgar bol he in, mơ pồ bơtào kòn klau Tebael dê lơh gơs bơtau at bồ bol khai.”’

Esai 7:6 ပူးပေါင်းရင်းမြစ်များ

I Ală Bơtau 12:16

Tòm tŭ jơh Israel gŏ bơtau ò bài iat jơnau bol khai, gen làng bol đơs mơ bơtau lah: “Bol he gơs pơnah lơi mơ Dabit? Bol he ò gơs sre brê lơi bal mơ kòn klau Jese. Ơ Israel! Rê wơl tĕ hơ sàl he dê. Ơ Dabit! Bơh do mê pal kơrhia hìu mê dê.” Behơ̆ Israel rê wơl hơ ală sàl bol khai dê.

II Ală Bơtau 11:2

Mơya Jôseba, kòn ùr bơtau Jôram dê, mơ la bi ùr Acasia dê, kup kơñau Jôas, kòn klau Acasia dê, bơh digùl ală kòn klau bơtau mơ bơh di cau kòñ tơnchơt, ơn khai tòm ơdŭ bic bal mơ cau ròng tơmpô khai, mơ pồn khai klàs bơh di Athali; gen tàng khai ò gơkòl tơnchơt.

II Yal Yau 13:8

Mơ tŭ do bol mê kơlôi lah bol mê rgơi tòmdră jai mơ lơgar bơtau Yàng Jehôwa dê ơm tòm tê ală kòn klau Dabit dê, tài bơh bol mê gơs gal ngan bal mơ rùp kòn kơnrồ mơ màh mơ Jerôbôam neh lơh gơs yàng bol mê in.

II Yal Yau 21:7

Bulah behơ̆, Yàng Jehôwa ò kòñ tơnroh hìu Dabit, tài bơh bơta ho pơgon Kơnràñ neh bơtào mơ Dabit, mơ bơh di tŭ hơ̆ Kơnràñ neh ho ai dô nơm ồs đèng Dabit in mơ ală kòn sau khai in gam sùm sùm.

II Yal Yau 28:5

Gen tàng Jehôwa Yàng Tom Trồ khai dê jào khai tơmut tòm tê bơtau Aram dê. Cau Aram lơh khai alah mơ kup jàm oă ngan làng bol khai dê mơ cèng bol khai tus hơ Damas. Khai kung gơkòl jào phi tòm tê cau bơtau Israel dê mơ neh tơnchơt oă ngan.

Đơs Crih 21:11

Dilah bol khai kòñ lơh iơh di Kơnràñ, Dilah bol khai jòi kai gơrmơ̆i, gen rơp ò lơh gơlik gơs.

Đơs Crih 83:3

Bol khai kơlôi ngui kai lac lèo nàng lơh iơh di làng bol Yàng dê; Bol khai bơyai bal sòdră di ală cau mơ Yàng sền gàr.

Jơnau Pơnđik 19:21

Tòm nùs kòn mơnus gơs oă kai gơrmơ̆i; mơya nùs kòñ Yàng Jehôwa dê rơp gơlik gơs.

Esai 7:1

Tòm rài Aca, kòn klau Jôtham, sau Ôsia, gơs bơtau at bồ lơgar Juda; gen Rejin, bơtau lơgar Aram, mơ Peka, kòn klau Remalia, bơtau Israel, guh tòmlơh mơ Jerusalem, mơya ò rgơi geh pha.

Esai 7:5

Bơh Aram, bal mơ Epraim mơ kòn klau Remalia dê neh bơtào kai gơrmơ̆i nàng tòmdră mơ mê, mơ đơs lah:

Esai 7:7

Gen tàng Jehôwa Yàng Tom Trồ đơs be do: ‘Bơta hơ̆ ò gơlik gơs, bơta hơ̆ ò gơlik tus!

Esai 8:6

“Tài bơh làng bol do neh pơndang sang ală hiòng dà ring lơngai Silôe dê mơ rơm să rngòt di Rejin mơ kòn klau Remalia dê;