Esai 7:4 - Sră Goh 2018

⁴ mơ đơs mơ khai lah: ‘Kơrhia tĕ, ơm mŏ mŏ mơ bañ rngòt. Bañ lòi nùs mê bòl glar tài bơh bàr gơl lòng ồs sa, tài bơh bơta gơhào gơjrañ Rejin mơ Aram dê, mơ kòn klau Remalia dê.

Esai 7:4 ပူးပေါင်းရင်းမြစ်များ

II Ală Bơtau 15:27

Tòm nam dơ̆ pram jơt bàr rài Ajaria, bơtau Juda; gen Peka kòn klau Remalia, nggui hơđang sơbàn lơh gơs bơtau Israel, tòm Samari, mơ at bồ bàr jơt sơnam.

II Yal Yau 20:17

Bơta tòmlơh do la ò di bơh bol mê tòmlơh. Ơm tĕ di tiah bol mê; ntào kơ̆ tĕ mơ sền bơta pha lin Yàng Jehôwa dê ai bol mê in. Ơ Juda mơ Jerusalem, bañ rngòt mơ bañ gơplơ̆ nùs. Ngai hìng lik tĕ tòmdră mơ bol khai, mơ Yàng Jehôwa rơp ơm bal mơ bol mê.’”

Esai 10:24

Gen tàng do la jơnau đơs Yàng Jehôwa dê, la Yàng Tom Trồ Gơnap Gơnoar Dờng: “Ơ làng bol Añ la cau ơm tòm Siôn, bañ rngòt di cau Asiri tòm tŭ bol khai pù bol mê mơ gai, mơ pò gai mơng bol khai tòmdră kung be cau Ejiptơ neh lơh.

Esai 30:15

Yàng Jehôwa la Bơtau Sàng Goh Israel dê neh đơs be do: “Tòm bơta rê wơl mơ ơm rlô, bol mê rơp geh dong klàs, tòm bơta ơm mŏ mŏ mơ gơn kơnòm, rơp la bơta pràn kơldang bol mê dê; mơya bol mê ò bài.

Esai 30:7

Bơh bơta dong kòl Ejiptơ la ò kwơ mơ tê gòi. Gen tàng Añ sơnđan khai la Rahap nggui ò ơwañ.

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Esai 37:6

gen Esai đơs mơ bol khai lah: “Đơs tĕ mơ cau tòm bol mê dê lah: ‘Do la jơnau đơs Yàng Jehôwa dê: “Bañ rngòt bơh ală jơnau mê neh kơno, la jơnau ală dĭ gơna bơtau Asiri dê ngui nàng đơs tràl sơrbil di Añ.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 7:1

Tòm rài Aca, kòn klau Jôtham, sau Ôsia, gơs bơtau at bồ lơgar Juda; gen Rejin, bơtau lơgar Aram, mơ Peka, kòn klau Remalia, bơtau Israel, guh tòmlơh mơ Jerusalem, mơya ò rgơi geh pha.

Esai 7:8

Bơh bồ Aram dê la Damas, mơ bồ Damas dê la Rejin. (Tòm prau jơt pram nam tai, Epraim rơp kong alah, ò geh kòp la dô nơm làng bol tai.)

Esai 7:9

Bồ Epraim dê la Samari, bồ Samari dê mìng la kòn klau Remalia. Dilah bol mê ò ơm kơ̆ tòm bơta dòn, gen bol mê rơp ò tŭ lơi ntào jai wil tơl.’”

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Esai 8:6

“Tài bơh làng bol do neh pơndang sang ală hiòng dà ring lơngai Silôe dê mơ rơm să rngòt di Rejin mơ kòn klau Remalia dê;

Ñìm Rac 3:26

Hơ̆ la niam cau in ơm mŏ mŏ kơp gơn bơta dong klàs Yàng Jehôwa dê.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Sacari 3:2

Cau gơnrơh Yàng Jehôwa đơs mơ Satan lah: “Ơ Satan, dan Yàng Jehôwa lah pơrhơng mê! Dan Yàng Jehôwa la Bơtau neh sac rwah Jerusalem lah pơrhơng mê! Cau do ò di kung be dô gơl lòng ồs sa neh tă tơlik bơh di ồs ò ơ?”

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Mathiơ 24:6

Bol mê rơp kơno bơh kơlìn mơ jơnau pơnro bơh kơlìn. Kơrmap gàr tĕ, bañ dơrcul, bơh ală bơta hơ̆ pal gơlik tus mơya hơ̆ òhềt la lồi dut ò.

Yal Wơl 20:3

Khai rơp đơs lah: ‘Ơ Israel, iat tĕ do, ngai do bol mê rơp lik lòt tòmlơh mơ ală cau sò tơm bol mê dê. Bañ gơdô nùs hala rngòt; bañ rngòt rngơt mơ rơm să di đap bol khai.

I Samuel 17:32

Dabit đơs mơ Sol lah: “Bañ gơs dô nă cau lơi gơplơ̆ nùs bơh jơnau cau Philistin do; cau duh broă bơtau dê rơp lòt tòmlơh mơ khai.”